+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Nursultan Nazarbaev: «Bastaý bıznes» jobasyn búkil elde jalǵastyrý qajet

2021 jylǵy 22 qyrkúıek 15:38
Bólisińiz:
Nursultan Nazarbaev: «Bastaý bıznes» jobasyn búkil elde jalǵastyrý qajet

NUR-SULTAN. QazAqparat – «Bastaý bıznes» jobasyna qatysýshylar 1,5 trln teńge salyq bóledi. Bul týraly atalǵan jobanyń 5 jyldyǵyna arnalǵan forýmǵa qatysýshylarǵa beıneúndeý joldaǵan QR Tuńǵysh Prezıdenti - Elbasy Nursultan Nazarbaev aıtty, dep habarlaıdy QazAqparat tilshisi.

«Bıyl «Atameken» ulttyq kásipkerlik palatasynyń «Bastaý bıznes» jobasy 5 jyldyǵyn atap ótedi. Osy ýaqyttyń ishinde bıznes negizderin 150 myńnan astam qazaqstandyq oqydy. Árbir úshinshi túlek óz isin ashty. Búkil Qazaqstan boıynsha 44 myńnan astam bıznes-joba ázirlendi. «Bastaý bıznes» túlekteri 60 myń jańa jumys ornyn ashty jáne shamamen 1,5 trln teńge salyq tólendi. Jobanyń tanymaldyǵy bıznes negizderin oqý tájirıbege basymdyq berý jáne tegin bolýynda ǵana emes. Oqý bitirgennen keıin túlekke «Eńbek» baǵdarlamasy aıasynda jeńildetilgen shaǵyn nesıeniń nemese granttyq qarjylandyrýdyń qoljetimdi bolýy da mańyzdy mánge ıe», - dedi Nursultan Nazarbaev beıneúndeý barysynda.

QR Tuńǵysh Prezıdenti «Bastaý bıznes» jobasyn bitirýshige bıznes-trener bir jyl boıy kásipkerdiń jobalaryna qoldaý kórsetetindigin atap ótti. Іsin jańa bastaǵan kásipker týyndaǵan problemalar jalǵyz qalmaıtyndyǵyna da nazar aýdartty.

«Bul, ásirese búginde búkil bıznes biz bastan keshirip otyrǵan jahandyq pandemııa saldarynan qatty qysym kórip otyrǵan jaǵdaıda óte mańyzdy. Bul jaǵdaıda ekonomıkalyq ekiushtylyqty eńserý jáne sol arqyly Qazaqstannyń búkil ekonomıkasy men halyqtyń jumyspen qamtylýyna memlekettik qoldaý is-sharalary kómek kórsetedi. Sarapshylardyń baǵalaýynsha, ótken jyl 20 ǵasyrdyń 30 jyldaryndaǵy uly kúızelis ýaqytynan da kúrdeli bolǵanyna qaramastan biz aýqymdy shyǵynnan jaltara aldyq. COVID-19 pandemııasy men syrtqy ekonomıkalyq jaǵdaıdyń nasharlaýyna jaýap retindegi Qazaqstannyń is-qımyly batyl ári der ýaqytynda boldy. Qazaqstan Táýelsizdiginiń 30 jyly ishinde kóptegen synaq pen qıyndyqty bastan keshirdi. Biraq, kez kelgen daǵdarystan biz syn-tegeýirin ǵana emes, sonymen birge múmkindikterdi de kóre aldyq. Jáne de barlyq ýaqytta da damýymyzdyń basty qozǵaýshy kúshi búkil eldiń tabysy men óziniń jeke jeńisi arasynda teńdik belgisin qoıa bilgen adamdar boldy. Eldiń gúldenýi onyń azamattarynyń ál-aýqatymen tikeleı baılanysty. Sondyqtan ózim joǵary baǵalaıtyn «Bastaý bıznes» baǵdarlamasynyń barlyq qatysýshylaryna shynaıy túrde tabys tileımin. Bul baǵdarlamany búkil elde jalǵastyrý qajet», - dedi Nursultan Nazarbaev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT