+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Nursultan Nazarbaev AÓSShK jáne EQYU uıymdaryn biriktirýdi usyndy

2019 jylǵy 12 qarasha 11:14
Bólisińiz:
Nursultan Nazarbaev AÓSShK jáne EQYU uıymdaryn biriktirýdi usyndy

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev Eýrazııa qaýipsizdigin qamtamasyz etýde AÓSShK men EQYU uıymdaryn biriktirýdi usyndy, dep habarlaıdy QazAqparat tilshisi.

«Qazirgi daǵdarystyq jaǵdaı men jańa syn-qaterler merzimi jetken dıalogty ornatý múmkindigin ashady. Úlken Eýrazııanyń jańa oıyn erejelerin anyqtaý qajettigi shúbásiz dep oılaımyn. Bul týraly kóptegen forýmdarda aıtyp kelemin», - dedi Elbasy Astana Club plenarlyq otyrysynyń ashylýynda.

Osy oraıda Nursultan Nazarbaev Azııadaǵy ózara yqpaldastyq jáne senim sharalary keńesi men Eýropa qaýipsizdik jáne yntymaqtastyq uıymynyń kúshin biriktirýdi usyndy.

«Jalpyqurlyqtyq qaýipsizdik arhıtektýrasyn qalyptastyrýdyń jańa tásilderin synı turǵyda qarastyrǵan jón. Eýropa men Azııanyń aımaqtyq qaýipsizdik júıesin biriktiretin tolyqqandy Eýrazııalyq qaýipsizdik úlgisin jasaıtyn kez keldi. 2020 jyly EQYU-daǵy Astana deklaratsııasynyń qabyldanǵanyna 10 jyl tolady. Onda Eýroatlantıkalyq jáne eýrazııalyq qaýipsizdik biryńǵaı qaýymdastyǵyn qurýdyń mańyzy aıtylǵan edi. Bul máselelerdi Azııanyń 27 memleketin biriktiretin AÓSShK men EQYU áleýmetterin biriktirý arqyly tıimdi sheshýge bolady. Eki uıymdy biriktirý arqyly Eýrazııanyń jahandyq qaýipsizdigin qamtamasyz etýge bolady», - dedi ol.

Elbasynyń aıtýynsha, bul bastamany Astana club sarapshylary da qoldady. Saýalnamada olardyń 65 paıyzy eki qurylymdy biriktirý arqyly Eýrazııa qaýipsizdigi máselesin tıimdi sheshýge bolady dep pikir bildirgen.

«Osy taqyryp boıynsha AÓSShK jáne EQYU sarapshylary men dıplomattary arasynda kelissózdi jalǵastyrýdy usynamyn. Munda bizdiń klýb (Astana club – red.) platformasyn paıdalanýǵa bolady. Dıalogtyń bul formaty joǵary saıası deńgeıdegi kelissózdi uıymdastyrý úshin daıyndyq kezeńi bola alar edi», - dedi Nursultan Nazarbaev.

Aıta keteıik, 11-12 qarasha kúnderi «Nazarbaev Ortalyǵynda» álemniń jetekshi dıplomattary men saıasatkerleriniń jáne sarapshylarynyń basyn qosatyn «Astana klýbynyń» besinshi otyrysy ótýde. Mereıtoılyq otyrys taqyryby «Úlken Eýrazııa: jahandyq yntymaqtastyqtyń jańa qurylymy jolynda» dep atalady. Klýbtyń saraptamalyq talqylaýyna AQSh, Qytaı jáne Reseı arasyndaǵy qyrǵı-qabaqtyń ýshyǵýy, saýda protektsıonızmi men popýlıstik kóńil-kúıdiń artýy, sondaı-aq Iran men Soltústik Koreıa tóńireginde jańa shıelenisterdiń boı kórsetýi máseleleri arqaý bolmaq.

Buǵan deıin Elbasy Eýrazııa qaýipsizdigi boıynsha ózekti máselelerdi atap kórsetken edi .

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT