+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Nursultan Nazarbaev álemdik saıası partııalar kóshbasshylarynyń sammıtine qatysty

2021 jylǵy 6 shilde 21:21
Bólisińiz:
Nursultan Nazarbaev álemdik saıası partııalar kóshbasshylarynyń sammıtine qatysty

NUR-SULTAN. QazAqparat - Nur Otan partııasynyń tóraǵasy Nursultan Nazarbaev Álemdik saıası partııalar kóshbasshylarynyń sammıtine qatysty, dep habarlaıdy Elbasynyń baspasóz qyzmeti.

Uqsas jańalyqtar
Elbasy «Nazarbaev Ýnıversıtetiniń» prezıdenti Shıgeo Katsýdy qabyldady Nursultan Nazarbaev Eýrazııa medıa forýmyna qatysýshylardy quttyqtady Elbasy Jambyl oblysyndaǵy áleýmettik-mádenı nysandarǵa bardy

Qazaqstannyń Tuńǵysh Prezıdenti beınekonferentsııa rejiminde Qytaı Kommýnıstik partııasynyń 100 jyldyǵyna arnalǵan Álemdik saıası partııalar kóshbasshylarynyń sammıtine qatysty.

Nursultan Nazarbaev Qytaı Halyq Respýblıkasynyń tóraǵasy Sı Tszınpınge bul saıası is-sharaǵa qatysýǵa shaqyryp, sóz bergeni úshin rızashylyq bildirdi.

– Búgingi sammıttiń «Halyqty baqytqa bastaý – saıası partııalardyń jaýapkershiligi» atty taqyryby óte ózekti, ol men basqaratyn «Nur Otan» saıası partııasy jumysynyń negizgi mánin kórsetedi. Bıyl meniń elimniń táýelsizdigine 30 jyl tolady. Basty saıası kúsh retinde biz alǵashqy kúnnen bastap partııanyń negizgi basymdyqtaryn aıqyndap aldyq: halyq pen tutas qoǵamnyń ál-aýqatyn arttyra almasa – partııanyń jeńisteri men jetistikteriniń qundylyǵy bolmas edi, – dedi Elbasy.

Elbasy Qazaqstannyń táýelsizdik jyldaryndaǵy jetistikterine erekshe toqtalyp, oǵan kóbine «Nur Otan» partııasyna otandastarymyzdyń tarapynan kórsetilgen senim men qoldaýdyń arqasynda qol jetkenin atap ótti.

– Biz áleýmettik baǵdar ustanǵan el retinde azamattardyń laıyqty turmysy men Qazaqstannyń jańǵyrýyn qamtamasyz etý jumysyn ári qaraı jalǵastyramyz. Bizdiń maqsatymyz – 2050 jyly álemdegi damyǵan 30 eldiń qataryna qosylý, – dedi Nursultan Nazarbaev.

Sonymen qatar Elbasy Qytaı tarapy bastamashy bolǵan saıası birlestikter deńgeıindegi kópjaqty dıalogqa arnalǵan jańa tuǵyrnamany damytý týraly óz oıyn ortaǵa saldy.

– Covid-19 pandemııasy jahandyq syn-qaterlerdi halyqaralyq áriptestik pen bir-birimizdi qoldaý arqyly ǵana tıimdi eńsere alatynymyzdy taǵy bir márte dáleldedi. Bul tusta saıası partııalar mańyzdy ról atqara alady jáne atqarýy kerek. Osy oraıda halyqaralyq qatynastardyń qazirgi modeli teń quqyqqa, barlyq taraptardyń dástúrlerin, qundylyqtary men erekshelikterin qurmetteýge negizdelýge tıis ekeni anyq, – dedi Qazaqstannyń Tuńǵysh Prezıdenti.

«Nur Otan» partııasynyń tóraǵasy qazir álemniń barlyq elderi arasynda Covid-19-ǵa qarsy vaktsınalardy birkelki jáne ádil taratý isinde kooperatsııalyq tásildi paıdalaný qajettigin aıtty.

Elbasy sondaı-aq saıası partııalardyń jahandyq syn-qaterlerdi barynsha azaıtý jáne damýdaǵy teńsizdikti azaıtý baǵytyndaǵy jumysynyń mańyzdylyǵyn atap ótti.

– Álemde bizdiń aýdıtorııanyń úni áldeqaıda aıqyn ári qattyraq estilgeni jón. Atap aıtqanda, saıası partııalar geosaıası shıelenisti eńserýge úles qosý úshin ózara yqpaldastyqty arttyra túsýi kerek dep sanaımyn, – dedi Nursultan Nazarbaev.

Sońynda Elbasy «Nur Otan» partııasy men Qytaı Kommýnıstik partııasy Qazaqstan men Qytaı Halyq Respýblıkasy arasyndaǵy máńgilik jan-jaqty strategııalyq seriktestikti nyǵaıtýǵa zor úles qosyp jatqanyn aıtty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT