+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«Nurly jer»: Qostanaı oblysynda 118 jas dárigerge páter berildi

2019 jylǵy 22 qarasha 14:50
Bólisińiz:
«Nurly jer»: Qostanaı oblysynda 118 jas dárigerge páter berildi

QOSTANAI. QazAqparat – Qostanaı oblysynda jas dárigerlerge memlekettik baǵdarlama aıasynda páter kilti tapsyryldy, dep habarlaıdy QazAqparat.

«Nurly jer» baǵdarlamasy boıynsha salynǵan jańa páterler Zarechnyı kentinde ornalasqan. Baspanaly bolǵan dárigerlerdiń deni Nur-Sultan, Qaraǵandy qalalarynda bilim alyp, bıyl ǵana óńirge joldamamen kelgen jas mamandar. Olardy quttyqaı kelgen Arhımed Muhambetov oblystaǵy medıtsına salasyn qoldaýǵa baǵyttalǵan sharalar jóninde aıtyp ótti.

«Alda memlekettik mereke – Tuńǵysh Prezıdent kúni. Aıtýly data qarsańynda oblysymyzda kóptegen mańyzdy is-sharalar ótip jatyr. Jańa áleýmettik nysandar paıdalanýǵa berilip, kásiporyndar ashylyp, turǵyn úı kiltteri tapsyrylýda. Maǵan belgili málimet boıynsha, oblystyń densaýlyq saqtaý salasynda jalpy sany 15 myń adam qyzmet etedi. Onyń 1900-i joǵary bilimdi dáriger, 6200-i arnaıy orta bilimi bar medıtsına qyzmetkeri, sondaı-aq 400 jedel járdem qyzmetkeri bar. Óńirdiń densaýlyq saqtaý salasy qomaqty kótermeaqy jáne jaıly baspana bólý arqyly bilikti kadrlarmen tolyǵyp jatyr. Bıyldyń ózinde ǵana óńirge 255 dáriger keldi. Onyń 86-sy aýyldyq mekenderge baryp ornyqty. Oblysymyzǵa kelgen árbir maman nazardan tys qalyp jatqan joq. Olarǵa jyl saıyn áleýmettik qoldaý kórsetilip otyr. Shaǵyn qalalarǵa baratyn dárigerlerge jaqsy jaǵdaı jasaýǵa iri ken kásiporyndarymen kelisimge kelý arqyly 100 mln teńge qarastyrylǵan. Dárigerlerdi qoldaý sharalary aldaǵy jyly da jalǵasatyn bolady», - dedi Arhımed Muhambetov.


Búgingi saltanatty rásimde 20 medıtsına salasynyń jas qyzmetkeri oblys ákiminiń qolynan páter kiltin aldy. Jalpy, syrttan kelgen 118 dáriger baspanamen qamtamasyz etildi. Al shalǵaı aýyldarǵa barǵan 90 dárigerge oblys bıýdjetinen 135 mln teńge kóterme aqy bólindi.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT