Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.17 EUR 429.11
RUB 5.88 CNY 56.48
Jańalyqtar

«Nurly jer» boıynsha nesıelerdi sýbsıdııalaý toqtatyldy

2018 jylǵy 19 maýsym 13:03 253
Bólisińiz:
«Nurly jer» boıynsha nesıelerdi sýbsıdııalaý toqtatyldy

ASTANA. QazAqparat - «7-20-25» ıpotekalyq baǵdarlamasyna baılanysty «Nurly jerge» birqatar ózgerister engizildi. Sonyń biri - ıpotekalyq zaımdardy sýbsıdııalaýdy toqtatý, dep xabarlaıdy QazAqparat tilshisi.

Uqsas jańalyqtar
Az qamtylǵan otbasylarǵa ıpoteka 2 paıyzben beriledi - Qarjy mınıstrligi 2 protsenttik ıpoteka qandaı sharttarmen beriledi

«QR Ulttyq banki «7-20-25» ıpotekalyq baǵdarlamasyn ázirlep shyǵarǵannan keıin biz óz baǵdarlamamyzdy - «Nurly jerdi» soǵan saı keltirip jatyrmyz. Búgin Úkimet óz sheshimin qabyldady. Birinshiden, «Nurly jer» memlekettik baǵdarlama bolyp bekitildi. Ekinshiden, turǵyn úıdi xalyqqa barynsha qoljetimdi etý úshin kóptegen ózgerister engizilip otyr. Máselen, buryn ákimdikter salǵan úıler tek Turǵyn úı qurylys jınaq bankiniń salymshylaryna ǵana berilse, budan bylaı barlyq azamattarǵa taratylady. Atalǵan baǵyt boıynsha óńirlerde bir sharshy metrdiń baǵasy 140 myńnan aspaıdy. Al Astana, Almaty, Aqtaý men Atyraýda 180 myń teńgeden artyq bolmaıdy», - dedi QR Investıtsııalar jáne damý vıtse-mınıstri Q.Óskenbaev QazAqparat tilshisine bergen suxbatynda.

Vıtse-mınıstrdiń sózine qaraǵanda, baspana salý jaǵynan da birqatar ózgerister bar. Buryn ákimdikter tender ótkizip, qoljetimdi turǵyn úılerdi salsa, endi ol baspanany jeke menshik kompanııalardan birden satyp alýǵa bolady. «Buryn ákimdikter ózderi ǵana salýshy edi ǵoı. Biraq ol úshin konkýrs ótkizý kerek, tender  jáne taǵy basqa rásimderi kóp. Qazir sol jerdegi kompanııalar óz aqshalaryna turǵyn úı salyp tastasa, jańaǵy baǵamen satyp alýǵa bolady. Sonda ýaqytty únemdeımiz. Daıyn úı bolsa, ony satyp alý quqyǵyn berip otyrmyz», - dep atap kórsetti Q.Óskenbaev.

Budan bólek, jalǵa beriletin úılerdiń qurylysyna qosymsha 10 mlrd teńge, al ınjenerlik kommýnıkatsııalardy tartýǵa taǵy 20 mlrd teńge bólinetin bolady. «Nurly jerden» turǵyn úı nesıelerin sýbsıdııalaýdy da alyp tastady.

«Buryn «Nurly jer» baǵdarlamasy boıynsha Qazaqstannyń ıpotekalyq kompanııasy zaımdardy 10 protsentpen beretin. Qazir biz ony alyp tastadyq. Sebebi «7-20-25» ıpotekalyq baǵdarlamasy ázirlendi. Biraq buǵan deıin nesıe alǵan azamattar esh ýaıymdamasyn. Úkimet óz mindetin saqtaıdy. Sol baǵdarlama boıynsha qansha sýbsıdııa bólindi, sonsha tolyǵymen beriledi. Biraq budan bylaı sýbsıdııa tek «7-20-25» boıynsha jasalady», - deıdi Q.Óskenbaev.

Bizdiń kanalymyzǵa jazylyńyz:

Bólisińiz:

Avtor:

Arman Asqarov

Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
MURAǴAT