Nurly jer: 5 myńnan astam aqmolalyq baspanaly bolady
2021 jylǵy 23 qarasha 14:04

Nurly jer: 5 myńnan astam aqmolalyq baspanaly bolady

KÓKShETAÝ. QazAqparat - «Nurly jer» baǵdarlamasyn júzege asyrý barysynda 18 myńǵa jýyq aqmolalyq páter máselesin sheshti. Bıylǵy jyly baǵdarlama boıynsha óńirde 655 myń sharshy metr turǵyn úıdi paıdalanýǵa berý nemese 5 myńnan astam aqmolalyq páter kiltin alady, dep habarlaıdy QazAqparat tilshisi oblystyq ishki saıasat basqarmasyna silteme jasap.

Oblystyq qurylys basqarmasynyń málimetinshe, bıylǵy jyldyń on aıynyń qorytyndysy boıynsha 483 myń sharshy metr turǵyn úı paıdalanýǵa berildi, bul aqmolalyqtardyń 3,2 myń otbasynyń ómir súrý jaǵdaıyn jaqsartýǵa múmkindik berdi.

«Qarasha jáne jeltoqsan aılarynda 2 myńǵa jýyq aqmolalyq otbasy ózderiniń turǵyn úı jaǵdaılaryn jaqsartady. «Nurly jer» baǵdarlamasy boıynsha 70 kóppáterli úıdiń qurylysy júrip jatyr, onyń ishinde 37 jalǵa beriletin, 33 kredıttik turǵyn úı», - dep atap ótti vedomstvodan.

Oblysta muqtaj azamattar úshin jalǵa beriletin turǵyn úı qurylysy boıynsha jumystar belsendi júrgizilýde. Áleýmettik turǵydan osal otbasylar úshin oblysta 411 jalǵa beriletin páter josparlanǵan, onyń ishinde 131 páter qýatty otbasylarǵa arnalǵan.

Kredıttik turǵyn úı baǵdarlamasy boıynsha bıylǵy jyly Kókshetaý, Stepnogor, Ereımentaý jáne Makınsk qalalarynda aýdany jalpy aýdany 30,3 myń sharshy metr 459 páterlik 8 kredıttik úıdi paıdalanýǵa beriledi.

Sonymen qatar, Aqmola oblysynda «7-20-25, árbir otbasy úshin turǵyn úı satyp alýdyń jańa múmkindikteri» baǵdarlamasy iske asyrylýda, ol boıynsha oblys burynǵysynsha qatysý boıynsha kóshbasshy bes oblysta qalyp otyr. Ony iske asyrý bastalǵannan beri 2 235 ótinim qabyldandy, onyń ishinde 1 625 otbasy óz baspanalaryna ıe boldy.

Jyl saıyn oblysta turǵyn úıdi paıdalanýǵa berý boıynsha oń dınamıka baıqalady. 2020 jyldyń qorytyndysy boıynsha 574 myń sharshy metr turǵyn úı paıdalanýǵa berildi, bul shamamen 5000 páter.

Aıta keteıik, táýelsizdik jyldary óńirde 6,9 mıllıon sharshy metrge jýyq turǵyn úı salyndy, 62,4 myńnan astam otbasy baspanaly boldy.
Uqsas jańalyqtar
Qazaqstanda 12 aıda baspana baǵasy men jalǵa alý quny qanshalyqty ósti
2022 jylǵy 8 tamyz 13:05

Qazaqstanda 12 aıda baspana baǵasy men jalǵa alý quny qanshalyqty ósti

NUR-SULTAN. QazAqparat - 2022 jylǵy shildede 2021 jylǵy shildemen salystyrǵanda QR-daǵy qaıtalama naryqtaǵy páterlerdiń baǵasy 26,4%-ǵa, al jańa turǵyn úılerdi satý baǵasy 19,6%-ǵa ósken.

2022 jyldyń shildesinde turǵyn úıdi jalǵa alý aqysy ótken jyldyń sáıkes aıymen salystyrǵanda 20,8%-ǵa artqan.

Óńirlik bóliniste jańa salynǵan turǵyn úıler naryǵyndaǵy baspana jyldyq mánde Aqtóbe qalasynda – 32,5%,

Nur-Sultan qalasynda – 27,6%,

Óskemende 26,1% qymbattady.

Qaıtalama naryqtaǵy baǵa ósimi boıynsha kóshbasshylar – Qyzylorda (44%), Óskemen (43,7%), Taldyqorǵan (43,4%) jáne Nur-Sultan qalalary (41,3%), al turǵyn úıdi jalǵa alý naryǵynda – Almaty qalasy (47,2%).

Ulttyq statıstıka bıýrosynyń málimetinshe, baǵa ındeksteri oblys ortalyqtary men Nur-Sultan, Almaty jáne Shymkent qalalary boıynsha iriktemeli baıqaý derekteri negizinde qalyptastyrylady



Mınıstr baspana salý josparynyń ne úshin oryndalmaǵanyn túsindirdi
2022 jylǵy 2 tamyz 12:07

Mınıstr baspana salý josparynyń ne úshin oryndalmaǵanyn túsindirdi

NUR-SULTAN. QazAqparat – Indýstrııa jáne ınfraqurylymdyq damý mınıstri Qaıyrbek Óskenbaev «Qýatty óńirler – el damýynyń draıveri» ulttyq jobasynyń nelikten tolyq oryndalmaǵanyn túsindirdi, dep habarlaıdy QazAqparat tilshisi.

«2021 jyldyń qorytyndysy boıynsha 3 kórsetkishke qol jetkizilgen joq. Birinshi, 163,1 myń turǵyn úıdi paıdalanýǵa berý kórsetkishi oryndalmady, bul bir baspana úshin bazalyq aýdannyń aıyrmashylyǵyna baılanysty. Máselen, statıstıka derekteri boıynsha halyq josparlaǵan 6,8 mln sharshy metrden 7 mln sharshy metr turǵyn úı salyndy. ıAǵnı, ındıkatıvti esepteý kezinde jeke qurylys salynatyn bir turǵyn úıdiń aýdany josparlanǵan 140 sharshy metrden is júzinde 173 sharshy metr shyqqan. Ol josparlanǵan 48,7 myń turǵyn úıden 40,7 myń turǵyn úıge deıin tómendýine sebep boldy. Kóppáterli turǵyn úılerdegi páterler kóleminde de osyndaı jaǵdaı, bir páter 90 sharshy metrdi quraýy tıis 114,4 myń baspanany paıdalanýǵa berý josparlanǵan, is júzinde ortasha aýdany 110 sharshy metr 108,7 myń turǵyn úı berildi», - dedi Q. Óskenbaev Úkimettiń búgingi otyrysynda.

Ekinshiden, QR aýmaǵy arqyly tranzıt kóleminiń ósýi boıynsha jospardaǵy 25,3 mln tonna oryndalmady.

«Onyń sebebi – Qytaı Halyq Respýblıkasy tarapynan qatań sanıtarlyq shekteýler engizildi, bul shekara mańyndaǵy temirjol ótkelderiniń ótkizý qabiletin 2 esege azaıtty. Tranzıttik júkterdiń negizgi úlesi Qytaıǵa tıesili ekenin eskersek, bul tranzıttik tasymaldardyń jalpy kóleminiń shamamen 70%-y nemese 15,4 mln tonnadan astamyn quraǵandyqtan josparǵa qol jetkizilmedi. Úshinshiden, bul jaǵdaılar Transkaspıı baǵytyndaǵy konteıner aǵynyn ulǵaıtý kórsetkishine de teris áser etken. Jospar boıynsha 45 myń jıyrma fýttyq balama bolǵan, naqty oryndalýy shamamen 41 myń boldy», - dep túsindirdi mınıstr.


Jańalyqtar

Úrdis

MURAǴAT