Nurlan Onjanov Qazaqstannyń Germanııadaǵy Elshisi bolyp taǵaıyndaldy
2022 jylǵy 13 maýsym 14:40

Nurlan Onjanov Qazaqstannyń Germanııadaǵy Elshisi bolyp taǵaıyndaldy

NUR-SULTAN. QazAqparat - Memleket basshysynyń Jarlyǵymen Nurlan Baımoldauly Onjanov Qazaqstan Respýblıkasynyń Germanııa Federatıvtik Respýblıkasyndaǵy Tótenshe jáne Ókiletti Elshisi bolyp taǵaıyndaldy, dep habarlaıdy QazAqparat.

Aqordanyń resmı saıtynyń málimetinshe, ol Qazaqstan Respýblıkasy Prezıdenti Keńsesiniń bastyǵy laýazymynan bosatylǵan.

Al osy ýaqytqa deıin Qazaqstan Respýblıkasynyń Germanııa Federatıvtik Respýblıkasyndaǵy Tótenshe jáne Ókiletti Elshisi bolǵan Dáýren Aıtbaıuly Káripov laýazymynan bosatyldy.

Nurlan Onjanov 1960 jyly 25 qarashada burynǵy Taldyqorǵan oblysynda dúnıege keldi.

Germanıstıka mamandyǵy boıynsha Gýmboldt atyndaǵy Berlın Ýnıversıtetiniń fılologııa fakýltetin bitirgen, fılologııa ǵylymdarynyń kandıdaty.

1983-1986 - Almaty qalasynda fılologııa dotsenti; 1986-1992 - Máskeý qalasynda ǵylymı qyzmette; 1992-1994 - QR Baspa jáne buqaralyq aqparat mınıstrliginiń bólim bastyǵy jáne mınıstrdiń keńesshisi; 1994-1996 - Qazaqstan Respýblıkasy Prezıdentiniń Apparaty, Halyqaralyq bóliminiń aǵa referenti; 1996-1997 - Qazaqstan Respýblıkasynyń Avstrııa Respýblıkasyndaǵy Elshiliginiń birinshi hatshysy keıin keńesshisi; 1997-2001 – QR Shveıtsarııa Konfederatsııasyndaǵy Elshiliginiń keńesshisi; 2001-2002 - QR Syrtqy ister mınıstrligi, Ekonomıkalyq saıasat departamentiniń dırektory; 2002-2003 - Qazaqstan Respýblıkasynyń Maındaǵy Frankfýrt qalasyndaǵy Bas konsýly; 2003-2004 - QR Syrtqy ister vıtse-mınıstri, TMD isteri komıtetiniń tóraǵasy, «Ortalyq Azııa yntymaqtastyǵy» uıymy qyzmetiniń máseleleri jónindegi Qazaqstan Respýblıkasynyń Ulttyq úılestirýshisi; 2004-2007 - QR Syrtqy ister mınıstriniń orynbasary; 2007-2008 - Qazaqstan Respýblıkasy Prezıdentiniń kómekshisi; 2008-2014 jyldary - Qazaqstan Respýblıkasynyń Germanııa Federatıvtik Respýblıkasyndaǵy Tótenshe jáne Ókiletti Elshisi jáne Danııa Koroldigindegi Elshi mindetin qosa atqarýshy.

2014 jylǵy shildeden QR Prezıdentiniń kómekshisi bolǵan.

2019 jyldyń naýryzynan Qazaqstan Respýblıkasy Prezıdenti keńsesiniń basshysy boldy. «Qurmet» ordenimen, medaldarmen marapattalǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT