Nurlan Nyǵmatýlın UQShU Parlamenttik Assambleıasynyń otyrysyna qatysty

NUR-SULTAN. QazAqparat - Májilis tóraǵasy Nurlan Nyǵmatýlın Ujymdyq qaýipsizdik týraly shart uıymy (UQShU) Parlamenttik Assambleıasynyń otyrysynda sóz sóıledi. Beınekonferentsııa formatynda Keńes otyrysy jáne UQShU PA on úshinshi plenarlyq otyrysy ótti.

Uqsas jańalyqtar

Ár zań jobasyn talqylaǵan kezde qoǵamnyń pikirin eskerýimiz kerek - Máýlen Áshimbaev

Májilis ózge memlekettermen qarym-qatynasta Qazaqstan múddesin qorǵaıtyn qujatty maquldady QR Prezıdenti: Májilistiń jańa quramy halyqtyń ál-aýqatyn jaqsartýǵa basa kóńil bólýi tıis Sapaly zańdar  - uzaq merzimdi jetistikke jetýdiń basty sharty – senator Álimjan Qurtaev

Otyrystarda Reseı Federatsııasynyń UQShU-ǵa 2020 jyly tóraǵalyq etý basymdyqtaryn iske asyrý jónindegi jumystyń qorytyndylary, sondaı-aq UQShU-nyń jaýapkershilik aımaǵyndaǵy jaǵdaı jáne ujymdyq qaýipsizdikke tónetin qaýip-qaterlerge qarsy is-qımyl jónindegi sharalar týraly aıtyldy.

Sonymen qatar Parlament ókilderi jappaı qyryp-joıý qarýynyń zańsyz aınalymyna qarsy is-qımyl, jańa psıhobelsendi zattardy memlekettik tirkeýge qatysty UQShU memleketteriniń ortaq tásilderin qalyptastyrý, sondaı-aq Qarýly Kúshterdiń, basqa da áskerler men áskerı quralymdardyń avıatsııasynyń halyqaralyq ushýlaryn uıymdastyrý salasyndaǵy zańnamany jetildirý jóninde usynymdar qabyldady.

Otyrysqa qatysýshylar UQShU Parlamenttik Assambleıasynyń UQShU-ǵa múshe memleketterdiń ulttyq zańnamasyn jaqyndastyrý jáne úılestirý jónindegi 2021-2025 jyldarǵa arnalǵan Qyzmet baǵdarlamasyn, sondaı-aq UQShU PA-nyń 2021 jylǵa arnalǵan jumys josparyn bekitti.

Májilis tóraǵasy Nurlan Nyǵmatýlın atap ótkendeı, qujattar Assambleıanyń normatıvtik-quqyqtyq bazasyn tereńdetý úshin taqyryptar men baǵyttar keńinen qamtylyp, búgingi kúnniń shynaıylyǵyn eskere otyryp, egjeı-tegjeıli pysyqtalǵan.

Sondaı-aq, kelesi bes jylǵa arnalǵan baǵdarlamada aýqymdy derekterdi qalyptastyrý jáne paıdalaný jónindegi ulttyq zańnamany damytý, aqparattyq qaýipsizdikti qamtamasyz etýde jasandy ıntellekt, kıberqaýipsizdik, tsıfrlyq qoltańbalar jasaý máselelerine qatysty modeldik aktiler bar.

Otyrystarǵa Armenııa, Belarýs, Qazaqstan, Qyrǵyzstan, Reseı jáne Tájikstannyń parlament jáne palatalarynyń basshylary, sondaı-aq Aýǵanstan men Serbııa UQShU PA baqylaýshy retinde qatysty.