+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Nurlan Nyǵmatýlın Túrkııa Uly ulttyq jınalysynyń tóraǵasymen kezdesti

2021 jylǵy 27 qyrkúıek 11:58
Bólisińiz:
Nurlan Nyǵmatýlın Túrkııa Uly ulttyq jınalysynyń tóraǵasymen kezdesti

NUR-SULTAN. QazAqparat - Májilis Tóraǵasy Nurlan Nyǵmatýlın elimizge resmı saparmen kelgen Túrkııa uly ulttyq jınalysynyń tóraǵasy Mustafa Shentoppen kezdesip, eki el Parlament ókilderiniń ózara is-qımylyn tereńdetý týraly ýaǵdalasty, dep habarlaıdy QazAqparat.

Uqsas jańalyqtar
Májiliste sanıtarııalyq-epıdemıologııalyq qyzmettiń kemshilikteri aıtyldy

Kezdesý barysynda taraptar qos memleketter arasyndaǵy parlamentaralyq yntymaqtastyqty odan ári nyǵaıtý máselelerin talqylady.

Nurlan Nyǵmatýlın Qazaqstannyń Tuńǵysh Prezıdenti, Elbasy Nursultan Nazarbaev árqashanda Túrkııamen qarym-qatynasty damytýǵa erekshe kóńil bóletinine nazar aýdardy. Búginde bul joldy Memleket basshysy Qasym-Jomart Toqaev júıeli túrde jalǵastyryp, Nur-Sultan men Ankara arasyndaǵy berik baılanys nyǵaıý ústinde.

Májilis Tóraǵasy Túrkııa Spıkeriniń Qazaqstanǵa resmı sapary parlamentaralyq baılanysty nyǵaıtý jolynda mańyzy óte zor ekenin atap ótti.

Sondaı-aq, Palata Tóraǵasy mártebeli meımanǵa elimizdegi zań shyǵarý qyzmetiniń jańalyqtary týraly jáne olardy zań deńgeıinde qamtamasyz etý jaıynda baıandady.

Atap aıtqanda, túrik kásipkerleriniń qarjy, kólik-logıstıka, aýyl sharýashylyǵy, týrızmdi damytý boıynsha ınvestıtsııalyq jobalarǵa qatysý múmkindikteri týraly sóz boldy. Nurlan Nyǵmatýlın atap ótkendeı, Májilis depýtattary jumys istep jatqan «Ónerkásiptik saıasat týraly» zań jobasy sheteldik ınvestorlarǵa, sonyń ishinde túrik kompanııalary úshin jańa múmkindikter ashpaq.

Óz kezeginde, Mustafa Shentop:

- Túrkitildes elder Parlamenttik Assambleıasynyń H plenarlyq otyrysy Túrkistan qalasynda ótetinine óte qýanyshtymyz. Kelesi jyly Qazaqstanmen dıplomatııalyq qatynas ornaǵynany 30 jyl tolady. Bul da biz úshin erekshe mańyzdy. Biz ózimizdiń shyqqan jerimiz, tegimiz Qazaqstan ekenin umytpaımyz. Qazaqstanǵa kelgen saıyn ózimizdiń ata-jurtymyzǵa kelgendeı qýanyshpen, maqtanyshpen kelemiz, - dedi.

Sonymen birge, Shentop myrza Túrkitildes elderdiń baılanysyn nyǵaıtýda Elbasy Nursultan Ábishuly Nazarbaevtyń rólin atap ótip, Túrkııa úshin Qazaqstannyń orny erekshe ekenin jáne rýhanı ortalyǵy ekenin jetkizdi.

Nurlan Nyǵmatýlın men Mustafa Shentop parlamentaralyq dıalog, palata komıtetteri arasyndaǵy syndarly baılanys Qazaqstan men Túrkııa arasyndaǵy ózara yntymaqtastyqty nyǵaıtýǵa serpin beretinine nazar aýdardy.

Aıta ketý kerek, Túrkııa Uly Ulttyq Jınalysynyń Tóraǵasy Mustafa Shentop Qazaqstanǵa resmı sapary aıasynda 28 qyrkúıekte Túrkistanda ótetin Túrkitildes elder Parlamenttik Assambleıasynyń H plenarlyq otyrysyna qatysady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT