+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Nurlan Nyǵmatýlın men Rýstam Emomalı parlamenaralyq yntymaqtastyq máselesin talqylady

2021 jylǵy 24 qyrkúıek 11:00
Bólisińiz:
Nurlan Nyǵmatýlın men Rýstam Emomalı parlamenaralyq yntymaqtastyq máselesin talqylady

NUR-SULTAN. QazAqparat - Májilis Tóraǵasy Nurlan Nyǵmatýlın Qazaqstanǵa resmı saparmen kelgen Tájikstan Olı Majlısi Mıllı Majlısiniń Tóraǵasy Rýstam Emomalımen kezdesti, dep habarlaıdy QazAqparat tómengi palatanyń baspasóz qyzmetine silteme jasap.

Uqsas jańalyqtar
Senat Rasýl Rahımovti Esep komıtetiniń músheligine taǵaıyndady Úsh jyldyq bıýdjette áleýmettik mindetterge erekshe nazar aýdaryldy - Nurlan Nyǵmatýlın Májilis jańa úsh jyldyq bıýdjet jobasyn maquldady

Júzdesý barysynda eki el Parlament ókilderiniń ózara is-qımylynyń perspektıvalyq baǵyttary talqylandy. Tájikstan elimizdiń Ortalyq Azııadaǵy mańyzdy seriktesi ári senimdi odaqtasy ekenin aıtqan Májilis Tóraǵasy Qazaqstan basshylyǵynyń ekijaqty yntymaqtastyqty keńeıtýge erekshe kóńil bólip otyrǵanyn atap ótti. Sonymen qatar, Nurlan Nyǵmatýlın qos eldiń strategııalyq seriktestik deńgeıine Qazaqstannyń Tuńǵysh Prezıdenti-Elbasy Nursultan Nazarbaev pen Tájikstan Prezıdenti Emomalı Rahmon ornatqan yntymaqtastyqtyń qol jetkizgen nátıjesine ekenine nazar aýdardy. Májilis Spıkeriniń aıtýynsha, Memleket Basshysy Qasym-Jomart Toqaevtyń osy jyldaǵy Dýshanbege resmı sapary ózara is-qımyldyń damýyna serpin berdi. Óz kezeginde, Tájikstan Olı Majlısi Mıllı Majlısiniń Tóraǵasy Rýstam Emomalı ekijaqty yntymaqtastyq deńgeıine joǵary baǵa berdi:
- Biz baýyrlas Qazaqstanmen qarym-qatynastyń búgingi deńgeıin baǵalaımyz. Dostas eki memleket basshylarynyń senimdi dıalogy bizdiń elderimizdiń ózara tabysty is-qımylynyń qarqyndy damýyna jáne quqyqtyq bazany jetildirýge yqpal etedi, - dedi Rýstam Emomalı.

Taraptar Qazaqstan-tájik qarym-qatynastarynyń mańyzdy quramdas bóligi retinde parlamentaralyq dıalogty jandandyrýdy qoldady. Sonymen qatar, Nurlan Nyǵmatýlın búginde memleketter aldynda turǵan barlyq máselelerdi sheshý úshin kúsh-jigerdi jumyldyrýdyń mańyzdylyǵyn atap ótti. Májilis spıkeri Palata depýtattarynyń zań shyǵarý qyzmeti týraly aıtyp, Memleket basshysynyń bastamasymen Qazaqstanda júrgizilip jatqan saıası jáne ekonomıkalyq reformalardy zańnamalyq qoldaý jónindegi jumystarǵa toqtaldy. Kezdesý barysynda Aýǵan máseleleri turǵysynan óńirlik jáne halyqaralyq qaýipsizdik máselelerine erekshe mán berildi. Sonymen qatar, Aýǵanstandaǵy berik beıbitshilikti qalpyna keltirýdiń jáne gýmanıtarlyq daǵdarysqa jol bermeýdiń mańyzdylyǵy týraly aıtyldy.
Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT