+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Nurlan Nyǵmatýlın: Biryńǵaı operator qurý turǵyn úı qoljetimdiligin qamtamasyz etýge yqpal etedi

2020 jylǵy 8 sáýir 13:13
Bólisińiz:
Nurlan Nyǵmatýlın: Biryńǵaı operator qurý turǵyn úı qoljetimdiligin qamtamasyz etýge yqpal etedi

NUR-SULTAN. QazAqparat - Búgin Palata spıkeri Nurlan Nyǵmatýlınniń tóraǵalyǵymen ótken Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine turǵyn úı baǵdarlamalary operatorlarynyń sanyn qysqartý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy QazAqparat.

«Turǵyn-úı saıasaty árqashanda kún tártibinen túspeıtin mańyzdy másele ekeni barshańyzǵa belgili. Osy jolda Memleket basshysynyń tapsyrmasymen ázirlenip, maquldanǵan búgingi Zań jobasy atalǵan saladaǵy suraqtardy ýaqyt talabyna sáıkes, odan ári, tıimdi sheshýge yqpal etedi dep bilemiz. Sebebi, endi, Qazaqstanda turǵyn úı saıasatyn júzege asyratyn biryńǵaı operator qurylady. Ol halqymyzǵa, sonyń ishinde, áleýmettik qoldaýdy qajet etetin azamattar arasynda qoljetimdi baspana máselesin sheshýge keń jol ashatyn bolady», - dedi Nurlan Nyǵmatýlın.

Zań jobasy turǵyn úı baǵdarlamalarynyń jumys istep turǵan operatorlary «Qazaqstan ıpotekalyq kompanııasy» AQ, «Báıterek development» AQ men «Turǵyn úı qurylysyna kepildik berý qory» AQ-ny Turǵyn úı qurylysynyń biryńǵaı operatory etip biriktirýge, sondaı-aq olardyń birin-biri qaıtalaıtyn fýnktsııalaryn joıýǵa jáne jalpy ákimshilik shyǵystaryn qysqartýǵa baǵyttalǵan.

Nátıjesinde, jalpy ákimshilik shyǵyndar 42% - ǵa azaıady.

Osy rette Májilis tóraǵasy negizgi basymdyqtar muǵalimderge, dárigerlerge, bıýdjet uıymdarynyń qyzmetkerlerine, sondaı-aq ortasha tabys deńgeıi jáne ortashadan tómen memlekettik qyzmetshilerdi qamtıtynyn atap ótti.

«Jalpy, biryńǵaı operator qurý bizdiń azamattarymyz úshin turǵyn úıdiń qoljetimdiligin qamtamasyz etýge baǵyttalǵan keshendi turǵyn úı saıasatyn qalyptastyrýǵa yqpal etedi», - dedi Nurlan Nyǵmatýlın.

Zań jobasynda Qazaqstan Respýblıkasynyń 3 kodeksi men 4 zańyna ózgerister men tolyqtyrýlar engizý usynylady.

Sonymen qatar qujat jobasynda turǵyn úı qurylysy biryńǵaı operatorynyń ıpotekalyq turǵyn úı qaryzdaryna jáne kóppáterli turǵyn úıdiń qurylysyn aıaqtaýǵa kepildikter berý, ınvestıtsııalyq jobalardy qarjylandyrý jáne iske asyrý jónindegi qyzmetin reglamentteý boıynsha da normalar kózdelgen.


Bizdiń kanalymyzǵa jazylyńyz:

Basty sózder: Parlament, Turǵyn úı,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT