+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Nurlan Nyǵmatýlın: Balalardyń quqyǵyn qorǵaý - qoǵamnyń ortaq mindeti

2021 jylǵy 15 qyrkúıek 11:56
Bólisińiz:
Nurlan Nyǵmatýlın: Balalardyń quqyǵyn qorǵaý - qoǵamnyń ortaq mindeti

NUR-SULTAN. QazAqparat - Búgin Májilistiń jalpy otyrysynda balanyń quqyqtaryn qorǵaý máselelerine qatysty depýtattardyń bastamasymen ázirlengen zań jobasy birinshi oqylymda maquldandy, dep habarlaıdy QazAqparat.

Otyrys barysynda depýtattar men memlekettik organ ókilderi balalardyń quqyqtaryn qorǵaýǵa qatysty pikir almasyp, zań jobasyn jan-jaqty talqylady.

Májilis tóraǵasy Nurlan Nyǵmatýlın depýtattardyń bastamasymen ázirlengen zań jobasynda balalardyń turǵyn úı jáne otbasylyq jaǵdaıda múddelerin qorǵaýǵa, qadaǵalaýsyz jáne panasyz qalýdyń aldyn alý máseleleri qarastyrylǵanyn atap ótti.

Nurlan Nyǵmatýlınniń aıtýynsha, sonyń ishinde, býllıng pen kıberbýllıng qoǵamda qatty alańdaýshylyq týdyryp otyr.

Balalardy osy qaýipten qorǵaıtyn naqty normalar qajet.

Málimetke júginsek, 18 jasqa deıingi jastar arasynda ótken jyly 143 sýıtsıd jáne 306 óz-ózine qol jumsaýǵa áreket etý jaǵdaıy bolǵan.

Tek jarty jyldyń ishinde 105 sýıtsıd pen 193 ózine qol suǵý áreketi bolǵan.

- Shynymen býllıng jáne kıberbýllıng degen – ol óte qaýipti nárse. Ol balalardyń psıhologııasyn buzatyn, sýıtsıdke alyp baratyn jol. Sondyqtan, jańa aıtyp ketkendeı, balalardy, ásirese, mektep balalardy, býllıng jáne kıberbýllıngten tolyqtaı qorǵaıtyn naqty normalar engizýimiz kerek. Osyǵan baılanysty, ekinshi oqylymǵa deıin tıisti jumys ótkizý qajet, - dedi Palata spıkeri.

Nurlan Nyǵmatýlınniń aıtýynsha, bul zań jobasy qazirgi qoǵamǵa qajetti kóptegen máselelerdi, ásirese, balalardyń quqyǵyn qorǵaý jolyndaǵy problemalardy sheshýge tıis.

Palata spıkeri atap ótkendeı, qazir balalardy qorǵaý úshin otbasylyq qatynastar, bilim berý, densaýlyq saqtaý salalarynda qosymsha sharalar qarastyryldy.

Zań jobasynda jazylǵan normalar, sonyń ishinde ınternette azamattardy, ásirese, balalardy osyndaı býllıng jáne kıberbýllıng sııaqty qubylystardan qorǵaý kerek.

Bul normalar zaman talaby ekenin aıtqan Nurlan Nyǵmatýlın osy zań jobasy Memleket basshysy Qasym-Jomart Kemeluly Toqaevtyń azamattardy ınternet arqyly qysym kórsetýden zań deńgeıinde qorǵaý jónindegi tapsyrmasyn oryndaýǵa baǵyttalǵanyn .aıtty.

Sonymen qatar, Májilis tóraǵasynyń pikirinshe, bir ǵana zań jobasymen balalardyń quqyqtaryn qorǵaý salasyndaǵy problemalardy sheshý múmkin emes.

- Bul jerde, árıne, júıeli sharalar, keshendi tásilder qajet. Ol úshin, barlyq múddeli memlekettik organdardyń, pedagogtar men ata-analar qaýymynyń birlesken jumysy qajet. Al, depýtattyq korpýs óz tarapynan balalardyń quqyqtaryn qorǵaý tetigin jetildirý boıynsha zańnamalyq jaǵynan qoldaý kórsetýge daıyn, - dedi Nurlan Nyǵmatýlın.

Aıta ketý kerek, zań jobasymen jumys isteý barysynda balalardyń turǵynjaıǵa quqyqtaryn qamtamasyz etýge, sondaı-aq otbasylyq qatynastarda balanyń múddelerin qorǵaýǵa jáne ınternet jelisindegi quqyqqa qarsy kontenttiń aldyn alýǵa arnalǵan birqatar normalar qarastyryldy.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT