+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Nurlan Noǵaev Shymkenttegi munaı óńdeý zaýytynyń jumysymen tanysty

2020 jylǵy 27 qazan 10:01
Bólisińiz:
Nurlan Noǵaev Shymkenttegi munaı óńdeý zaýytynyń jumysymen tanysty

NUR-SULTAN. QazAqparat - QR Energetıka mınıstri Nurlan Noǵaev jáne Shymkent qalasynyń ákimi Murat Áıtenov «PetroQazaqstan Oıl Prodakts» JShS-nyń munaı óńdeý zaýytyna bardy, dep habarlaıdy QR EM baspasóz qyzmeti.

Uqsas jańalyqtar
«Qashaǵannan» tórt jylda 50 mln tonna munaı óndirildi Qosshydaǵy jaryq problemasy: Nur Otan aýdan ákimdigine máseleni 25 qarashaǵa deıin retteýge keńes berdi

1985 jyly salynǵan Shymkent munaı óńdeý zaýyty respýblıkamyzdaǵy eń jańa zaýyt bolyp tabylady. Zaýyt Qazaqstannyń úsh MÓZ-deri óndiretin munaı ónimderiniń jalpy aǵymdaǵy kóleminiń 30%-yn óndiredi. Shymkent MÓZ-iniń jobalyq qýaty jylyna 6,0 mln tonnany quraıdy.

Sapar barysynda Nurlan Noǵaev jáne Shymkent qalasynyń ákimi Murat Áıtenov eki kezeńge bólingen jańǵyrtý jobasynyń aıaqtalý qorytyndysymen tanysty, onyń sheńberinde 11 tehnologııalyq qondyrǵy men 29 jalpy zaýyttyq sharýashylyq obektisi salyndy jáne paıdalanýǵa berildi. Izomerleý qondyrǵysyn iske qosý birinshi kezeńi aıaqtalǵannan keıin joǵary oktandy benzınniń óndirisi 100%-dy qurady, al Keden Odaǵy Tehnıkalyq reglamentiniń talaptaryna sáıkes motorly otynnyń sapasy K4 jáne K5 ekologııalyq klassqa jetti (Evro-4 jáne Evro-5 analogtary). Jańǵyrtýdyń ekinshi kezeńi sheńberinde kásiporynnyń jaraǵy «RFCC» katalıtıkalyq krekıng qondyrǵylary, «Prime G+» benzındi gıdrotazalaý, «Merox» shekti jáne shekti emes gazdardy tazalaý, sýtegi jáne basqa da tazalaý keshenimen tolyqty. Osynyń arqasynda zaýyttyń qýattylyǵy jylyna 6 mln. tonnaǵa, al munaı óńdeý tereńdigi 85%-ǵa artty.


Jańadan salynǵan tehnologııalyq qondyrǵylardy tıimdi basqarý maqsatynda zaýytta jańa mamandyqtar engizildi. Bul mamandyqtarǵa ShMÓZ qyzmetkerlerin Qazaqstannyń jáne sheteldegi uqsas kásiporyndarynda oqytty. 445 jańa jumys orny ashyldy. Qurylysqa barlyǵy 4800 adam jumyldyryldy.

Jańǵyrtý jobasy zaýytty óndiristik kúrdeli jańa deńgeıge shyǵardy, bul ShMÓZ-di tek barlyq standarttarǵa ǵana emes, sondaı-aq jańa sapa menedjment halyqaralyq júıesine saı qazirgi zamanǵy básekege qabiletti kásiporynǵa aınaldyrdy.

Sonymen qatar, Energetıka mınıstri Nurlan Noǵaev jáne Shymkent qalasynyń ákimi Murat Áıtenov munaı óńdeý zaýytynyń qyzmetkerlerimen kezdesti. Sapar sońynda Nurlan Noǵaev mejelengen josparlardy oryndaý jáne barlyq munaı óńdeý zaýyttarynyń tıimdiligin odan ári arttyrý boıynsha birqatar tapsyrmalar berdi.

2020 jylǵy 9 aıda Qazaqstanda munaı óńdeýdiń jalpy kólemi 11,5 mln. tonnany qurady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT