+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Nurlan Noǵaev Qyzylorda oblysynyń energııamen jabdyqtaý júıesimen tanysty

2020 jylǵy 29 qarasha 18:25
Bólisińiz:
Nurlan Noǵaev Qyzylorda oblysynyń energııamen jabdyqtaý júıesimen tanysty

QYZYLORDA. QazAqparat - QR Energetıka mınıstri Nurlan Noǵaev pen Qyzylorda oblysynyń ákimi Gúlshara Ábdiqalyqova Qyzylorda oblysyndaǵy birqatar energııamen jabdyqtaý nysandaryn aralady, dep habarlaıdy mınıstrliktiń baspasóz qyzmeti.

Uqsas jańalyqtar
2020 jyly Qazaqstanda 109,2 mln tonna kómir óndirildi Semeı qazandyqtary arnaıy tekserýden ótedi Atyraý oblysynyń ákimi energııa júıesin qatań baqylaýǵa alýdy tapsyrdy

Sapardyń alǵashqy nysany «Qyzylorda elektr taratý jelileri» AQ boldy.

Atalǵan nysan 1964 jyly paıdalanýǵa berilgen. Búginde onda 1 016 adam qyzmet atqarady. Kompanııa aımaqqa elektr energııasyn berý jáne taratýmen aınalysady.

Qazirgi tańda oblys boıynsha elektr jelileri jelileriniń uzyndyǵy 10 046,3 km, onyń ishinde áýe jelileri - 9 924,4 km, kabel jelileri – 121,9 km.

Munan soń mınıstr men oblys ákimi «Qyzylorda jylý elektr ortalyǵynda» boldy. Atalǵan ortalyq 1964 jyly iske qosylǵan jáne oblys ortalyǵyn ortalyqtandyrylǵan jylýmen qamtıtyn biregeı nysan.

Ortalyqqa qarasty qala boıynsha jylý jelileriniń jalpy uzyndyǵy - 186,8 km.

Aımaq basshysy Gúlshara Ábdiqalyqova qos nysandy jańǵyrtý boıynsha Energetıka mınıstri Nurlan Noǵaevqa usynystaryn jetkizdi.

Sonymen qatar, energetıka mınıstri Josaly kentindegi «Josaly» QS-220-35/10 kV elektr stantsııasyna júrgizilgen qaıta jańartý jumystarymen tanysty.

Tuńǵysh Prezıdent kúni qarsańynda «Óńirlerdi damytý» memlekettik baǵdarlamasy aıasynda Qarmaqshy aýdanynda elektr jelileri men qosalqy stantsııalardy qaıta jańartýdyń 3 jobasy boıynsha jumys aıaqtalyp qaldy.

Onyń ishinde bir joba - «Josaly» 220/35/10 kV elektr stantsııasynyń elektr jelilerin jańǵyrtý.

Jobany júzege asyrý barysynda qýaty 25 MVA 220/35/10 kV pen 6,3 MVA 35/10 kV transformatorlary ornatylyp, 220 kV jáne 35 kV taratý qurylǵysy salynady.

Sonymen qatar, syrtqy qondyrǵylarǵa arnalǵan ashyq taratý qurylǵysyn salý josparlanýda.

Sondaı-aq, Nurlan Noǵaev «Tóretam kenti jáne Aqaı aýyldyq okrýginiń 6-10/0,4 kV elektr jelilerin keńeıtý jáne qaıta jańartý» jáne «Tóretam kentiniń 35/10 kV № 22 qosalqy stantsııasyn keńeıtý jáne qaıta jańartý» jobalaryn júzege asyrý barysymen tanysty.

Osy jobalardy iske asyrý energııa tutyný rejımderin ońtaılandyrýǵa, qazirgi zamanǵy jabdyqtardy qoldaný jáne jańa tehnologııalardy engizý esebinen elektr energııasynyń ysyrabyn azaıtýǵa yqpal etedi, sondaı-aq 18 304 tutynýshyny sapaly úzdiksiz energııamen jabdyqtaıdy.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT