+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Nurlan Noǵaev: Іshki naryq jol bıtýmymen birkelki qamtamasyz etilýi tıis

2020 jylǵy 8 qarasha 11:29
Bólisińiz:
Nurlan Noǵaev: Іshki naryq jol bıtýmymen birkelki qamtamasyz etilýi tıis

AQTAÝ. QazAqparat - Mańǵystaý oblysyna jumys sapary barysynda QR Energetıka mınıstri Nurlan Noǵaev «CASPI Bitum» BK» JShS bıtým óndirý zaýytynyń jumysymen tanysty, dep habarlaıdy QazAqparat mınıstrliktiń aspasóz qyzmetine silteme jasap.

«CASPI Bitum» BK» JShS – Qazaqstan Respýblıkasyn údemeli ındýstrııalyq-ınnovatsııalyq damytý jónindegi 2010-2014 jyldarǵa arnalǵan memlekettik baǵdarlama jobasynyń aıasynda ishki naryqty jol bıtýmymen qamtamasyz etý maqsatynda Mańǵystaý oblysynda ınvestıtsııa esebinen salynǵan jáne tabysty iske asyrylǵan alǵashqy kásiporyn.


Munaı «Qarajanbas» ken ornynan jetkiziledi, ol tehnıkalyq sıpattamalary boıynsha jol bıtýmdaryn óndirýge arnalǵan ońtaıly shıkizat bolyp tabylady.

2014 jyldan 2019 jylǵa deıin kásiporynda 1,590 myń tonna jol bıtýmy óndirildi. Kásiporyndy tekserý barysynda Nurlan Noǵaev jol bıtýmyn óndirýshilerdiń jumysyn jaqsartý úshin Energetıka mınıstrligi qabyldap jatqan sharalar týraly aıtyp berdi.


«Memlekettik satyp alýlardyń keshiktirilýine baılanysty jol salýshylar kóktem men jazda óndirýshilerden bıtýmdy jappaı satyp ala bastaıdy, sol arqyly bıtýmǵa degen joǵary suranys týdyrady, bul óz kezeginde baǵasy satýshy men satyp alýshy arasyndaǵy naryqtyq qatynastarmen retteletin ónimniń qunyna áser etedi. Osyǵan baılanysty, qurylys maýsymy kezinde bıtým baǵasy ósedi, al qysta oǵan degen suranys pen baǵa tómen bolady. Jol salýshylar jyl boıy bıtýmmen birkelki qamtamasyz etilýi tıis – bul ónimniń baǵasyn tómendetip, jol bıtýmyn óndirýshilerdiń tehnologııalyq protsesterine oń áser etedi», - dep atap ótti Energetıka mınıstri.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT