+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Nur-Sultannyń Bas sanıtarlyq dárigeri dıfterııanyń qaýpi jaıly aıtty

2019 jylǵy 19 qarasha 17:59
Bólisińiz:
Nur-Sultannyń Bas sanıtarlyq dárigeri dıfterııanyń qaýpi jaıly aıtty

NUR-SULTAN. QazAqparat - Nur-Sultan qalasynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Sádýaqas Baıǵabylov Ýkraınadaǵy osy aýrýdyń tirkelýine baılanysty dıfterııaǵa qarsy vaktsına alýdyń mańyzdylyǵy týraly túsinik berdi, dep habarlaıdy QazAqparat.

Uqsas jańalyqtar
Petropavlda 10 myń adamǵa qyzmet kórsetetin otbasylyq densaýlyq ortalyǵy ashyldy Qoǵamdyq densaýlyq saqtaý ınstıtýty áleýmettik mańyzdy jobalardy iske asyrdy Nur-Sultanda árqaısysy 23 mln teńge turatyn 20 jedel járdem kóligi satyp alyndy

Dıfterııa 19-shy ǵasyrdyń aıaǵyna deıin mıllıondaǵan adamnyń ómirin qıdy, al halyqtyń ólimi 60% jetti.

Búgingi kúni vaktsınatsııanyń arqasynda kóptegen elderde ólimge ákeletin ınfektsııa sııaqty dıfterııany da sırek kezdestirýge bolady.

Sondyqtan Qazaqstandaǵy qazirgi urpaq Clostridium diphtheriae dıfterııalyq taıaqshasynyń ne ekenin bilmeıdi. Vaktsınatsııadan bas tartý kezinde qaýipti eleýsiz qaldyrmańyz, óıtkeni bul ólimge ákeletin ınfektsııanyń «oralýyna» soqtyrady.

Bul fakt Qazaqstanda 90-shy jyldardyń ortasynda, ımmýndaýdyń az mólsheri júzdegen adamdardyń ómirin qıǵan dıfterııanyń órshýine ákelgen kezde oryn aldy.

Dıfterııa - bul juqpaly aýrý, bastapqyda ol farıngıt nemese larıngıt túrinde júredi, óıtkeni 95% jaǵdaıda bul kómeıdiń shyryshty qabyǵyna áser etedi.

Infektsııa áýe tamshylarymen jáne naýqas adammen nemese tasymaldaýshymen baılanys arqyly, sondaı-aq lastanǵan ydys-aıaqtar men ónimderdi paıdalanǵanda paıda bolady. Dıfterııadan adamdar ǵana zardap shegedi, úıden, jabaıy janýarlardan nemese qustardan juqtyrý múmkin emes.

Aıta ketý kerek, aýrýdyń aǵzasynan patogen tolyǵymen shyǵarylmaıynsha, qasyndaǵy qorshaǵan adamdarǵa qaýip týdyrýy múmkin. Dıfterııaǵa degen sezimtaldyq vaktsınatsııalanbaǵan balalar men eresekterde birdeı.

Jalpy, aýrý baspaǵa (angınaǵa) uqsaıdy, juqtyryp alǵannan keıin 2-6 kún ótkende álsizdik, tamaǵy aýyrý, moıyn aımaǵynda lımfa túıinderi («múıiz»), aýzynan jaman tátti-irińdi ıis shyǵý sııaqty alǵashqy belgileri bolady. Keýde qýysynyń dıfterııasymen aýyrǵan kezde entigý, jótel, isiný jáne 38 gradýsqa deıin qyzýy kóteriledi.

Ýaqtyly emdelmegende dıfterııa toksıni qanǵa enip, barlyq múshelerge áser etedi, sonymen qatar júrek bulshyq etterin zaqymdaıdy jáne tańdaıdyń, artqy farengaldyń qabyrǵalary men bet bulshyq etteriniń sal aýrýyna qaýip tóndiretin asqynýlar ákeledi.

Nelikten biz Ýkraınadaǵy Lýgansk, Hmelnıtskıı, Zakarpat, Ternopol jáne Kıev oblystaryndaǵy dıfterııanyń 20 jaǵdaıy tirkelgenine baılanysty turǵyndarǵa osy qaýipti ınfektsııa týraly eske saldyq. 2019 jyldyń qazan aıynan bastap Ýkraınada dıfterııamen aýrýdyń epıdemıologııalyq jaǵdaıynyń kúrdelenýi baıqaldy.

Bul másele elorda turǵyndary úshin Ýkraınanyń Nur- Sultan - Kıev jáne Kıev - Nur -Sultan baǵytyndaǵy kúndelikti reısterine baılanysty ózekti bolady.

Sondyqtan, eger siz issaparǵa baratyn bolsańyz nemese jaqyn nemese alys shetelge sapar shegetin bolsańyz, siz qabyldaýshy eldegi juqpaly aýrýlardy bilýińiz kerek. Bul aqparatty Departamentten de alýǵa bolady.

Otbasyńyzda qaıǵyly jaǵdaıdyń aldyn alýdyń jáne árdaıym dıfterııadan aýlaq bolýdyń jalǵyz ádisi vaktsınamen jasalatynyn este saqtaǵan jón.

Vaktsınany alý qıyn emes, ony aldyn alý vaktsınalarynyń ulttyq kúntizbesine sáıkes alýǵa bolady. Ony 2, 3, 4, 18 aıdan bastap jáne 6 jasynda alady.

Bizdiń kanalymyzǵa jazylyńyz:

Basty sózder: Nur-Sultan, Medıtsına,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT