+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Nur-Sultanǵa álemniń 18 elinen blogerler jınaldy

2019 jylǵy 24 tamyz 12:40
Bólisińiz:
Nur-Sultanǵa álemniń 18 elinen blogerler jınaldy

NUR-SULTAN. QazAqparat - Elordada «Qazaqstandy tany» halyqaralyq blogerler forýmy bastaldy, dep habarlaıdy QazAqparat tilshisi.

Uqsas jańalyqtar
Jármeńke: Pavlodardan elordaǵa 500 tonna kóleminde ónim jetkizildi Elordada páterden 55 mln teńge urlaǵan kúdikti Semeıde ustaldy «Astanaenergoservıs» AQ jabylyp, únemdelgen qarjyǵa qystyq tehnıka alynady

Forýmdy QR Aqparat jáne qoǵamdyq damý mınıstrligi jáne Azamattyq bastamalardy qoldaý ortalyǵy Qazaqstandaǵy týrızmdi damytý maqsatynda uıymdastyrǵan.

Oǵan Qazaqstan, Ulybrıtanııa, AQSh, Aýstralııa, Italııa, Reseı, Úndistan, Taıland, Kanada elderiniń tanymal saıahatshy blogerleri jınaldy. Olar Qazaqstannyń 5 óńirindegi blog-týrǵa qatysyp, Qazaqstannyń kórikti mekenderimen tanysqan.

«Bizdiń elimiz álem kartasyndaǵy jas memleket bolǵanymen, onyń baı tarıhy bar. Bul jerde talaı kóshpeli ımperııalar qurylǵan. Bizdiń mádenıetimiz Tamǵaly tastaryndaǵy sýretterden, Saq taıpalarynyń ań stılinen bastalady. Búginde júzden astam etnos ókilderi beıbitshilik pen kelisimde ómir súrip jatyr. Óńirlerdi aralaǵan forým qatysýshylary osyǵan kóz jetkizdi dep oılaımyn. Tutas álemniń týrısteri qazaq jeriniń sulýlyǵyn kórgenin qalaımyz», dedi QR Aqparat jáne qoǵamdyq damý mınıstri Dáýren Abaev jıynnyń saltanatty ashylýynda.

Ol forýmǵa álemniń 18 elinen blogerler jınalǵanyn, osynyń nátıjesinde Qazaqstan týraly jańa kontent qurylatynyn atap ótti.

«Qazirgi zamanda blogerler bizdiń ne kıip, ne tyńdaıtynymyzǵa, qaıda baratynymyzǵa tikeleı yqpal etedi. Sizder kóptegen elderdiń týrızmi, ýrbanıstıkasy, sáýleti týraly kózqarasymyzdy ózgerttińizder. Kóptegen saıahatshylar týrıstik baǵyttardy tańdaýda áleýmettik jelidegi fotolar men jazbalarǵa, pikirlerge súıenedi. Túrkııadaǵy «Kapadokııa», AQSh-taǵy «Іbilis vannasy» Instagramdaǵy jazbalardan keıin erekshe tanymal boldy jáne saıahatshylar suranysyna ıe boldy. Búgingi forým da bizdiń ǵajaıyp elimiz týraly paıdaly aqparat beretin túbegeıli jańa kontenttiń qurylýyna jáne birlesken jobalardyń paıda bolýyna kómektesedi dep oılaımyn», - dep atap ótti D. Abaev.

Forým spıkerleri týrızmdi, brendıng pen blogıngti damytý, jańa medıa múmkindikteri men ınternettegi sapaly kontent qurý máselelerin talqylaıdy.

Shara barysynda qatysýshylarǵa blogıngti damytý týraly «Saıahattaǵy sýret», «YouTube profılin damytý», «Startap promoýter», «Bıznes-blogıng», «Áleýmettik shyndyq», «Qazaq Instagram» taqyrybynda sheberlik synyptary uıymdastyrylady.

Sonymen birge, forým aıasynda «Men Qazaqstannanmyn» beıneblog konkýrsynyń jetimpazdary marapattalady.






Sýretter jıynǵa qatysýshy blogerlerdiń paraqshalarynan alyndy


Bizdiń kanalymyzǵa jazylyńyz:

Basty sózder: Nur-Sultan, Internet, Qoǵam,
Bólisińiz:

Aýdarma:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT