Nur-Sultandaǵy dúkennen qymbat qulaqqap urlaǵan jigittiń áreketi kameraǵa túsip qaldy
2022 jylǵy 13 tamyz 17:51

Nur-Sultandaǵy dúkennen qymbat qulaqqap urlaǵan jigittiń áreketi kameraǵa túsip qaldy

NUR-SULTAN. QazAqparat – Nur-Sultandaǵy dúkennen qymbat qulaqqap urlaǵan jigittiń áreketi beınebaqylaý kamerasyna túsip qaldy, dep habarlaıdy Nur-Sultan qalalyq Polıtsııa departamentiniń baspasóz qyzmetine silteme jasap.

«Almaty» aýdanynyń polıtsııa qyzmetkerleri jedel- izdestirý sharalaryn júrgizý kezinde elordanyń 22 jastaǵy turǵynyn ustady.

Tergeý barysynda anyqtalǵanyndaı, jas jigit keshke Abylaıhan dańǵylyndaǵy tehnıka dúkeninde bolyp, sóreden quny shamamen 45 000 teńge turatyn «JBL» markaly symsyz qulaqqapty urlap ketken. Kúdikti adamdardyń kóptigin paıdalanyp, qulaqqapty alyp, qysqa shalbarynyń astyna jasyryp, saýda zalynan shyǵyp ketken.

Urynyń bul áreketi beınebaqylaý kameralaryna túsip qalǵan. Keıin ol qulaqqapty ótip bara jatqan adamǵa tómen baǵamen satqan. Qazirgi ýaqytta onyń elordada jasalǵan osyǵan uqsas basqa da qylmystarǵa qatysy dáleldendi. Urlyqtyń barlyq faktileri boıynsha sotqa deıingi tergeý júrgizilýde.

«Ustalǵan azamat ýaqytsha ustaý ızolıatoryna qamaldy. Nur-Sultan qalasynyń Polıtsııa departamenti saýda orynarynyń ıelerine qyraǵy bolýǵa jáne dúkenderde urlyqtan qorǵaý sharalarynyń bárin qoldanýǵa keńes beredi»,-delingen Nur-Sultan qalalyq Polıtsııa departamentiniń baspasóz qyzmeti taratqan habarlamada.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT