+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Nur-Sultandaǵy arnaıy operatsııa: Esirtki satatyn top ustaldy

2020 jylǵy 26 qazan 11:34
Bólisińiz:
Nur-Sultandaǵy arnaıy operatsııa: Esirtki satatyn top ustaldy

NUR-SULTAN. QazAqparat - Elordada arnaıy operatsııa barysynda esirtki satýshylardan quralǵan qylmystyq top ustaldy, dep habarlaıdy QazAqparat tilshisi Nur-Sultan polıtsııa basqarmasynyń baspasóz qyzmetine silteme jasap.

«Qarasora-2020» jedel aldyn alý sharalary barysynda esirtkiniń zańsyz aınalymynyń turaqty kanaly joıylyp, elordaǵa esirtki jetkizip, satyp kelgen qylmystyq toptyń is-áreketterine tosqaýyl qoıyldy. Bul týraly Nur-Sultan qalalyq PD esirtki qylmysyna qarsy kúres basqarmasynyń bastyǵy, polıtsııa polkovnıgi Oljas Jarylǵapov málim etti.

«Aldymen esirtki satyp, buryn sotty bolǵan 27 jastaǵy kúdikti elorda aýmaǵynda dál osyndaı qylmyspen qaıta ustaldy. Onyń kóligin tintý kezinde ustalǵan adam satýǵa daıyndaǵan, jalpy salmaǵy 500 gramnan asatyn, oralǵan gashısh salynǵan sirińke qoraptary tárkilendi. Sondaı-aq, kóliktiń ishinde buryn sottalǵan 24 jastaǵy azamat bolǵan. Odan da tekserý kezinde gashısh tárkilendi. Olarmen qatar polıtsııa qyzmetkerleri elordaǵa esirtkini jetkizip turǵan negizgi tasymaldaýshy ustaldy. Ol – buryn sotty bolǵan Jambyl oblysynyń 34 jastaǵy turǵyny bolyp shyqty. Onyń páterin tintý barysynda oqtary bary travmatıkalyq qarý, esirtki sebilgeni anyqtalǵan elektrondy salmaq ólsheýish jáne esirtki qabyldaýǵa arnalǵan qural tabyldy. Sondaı-aq 2 mıllıon 150 myń teńgelik qolma-qol aqsha, gashısh oralǵan úsh polıetılendi paket, satylýǵa daıyn esirtki toltyrylǵan 265 sirińke qoraby tárkilendi, - deıdi Oljas Jarylǵapov.

Arnaıy operatsııany júrgizý barysynda zańsyz aınalymnan 6 keli esirtki (3 myń rettik gashısh dozasy – qara naryqtaǵy baǵasy 9 mln teńge) alyndy.

Qazir ustalǵan adamdar Qylmystyq kodekstiń 296-baby 4-bóligi jáne 297-baby 3-bóligi boıynsha qylmystyq jaýapkershilikke tartylyp jatyr. Kinálary dáleldengen jaǵdaıda olar 7 jyldan 25 jylǵa deıin bas bostandyǵynan aıyrylýy múmkin.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT