Nur-Sultanda jol jóndeý jumystaryna baılanysty 2 kóshe jartylaı jabylady
2022 jylǵy 24 sáýir 07:46

Nur-Sultanda jol jóndeý jumystaryna baılanysty 2 kóshe jartylaı jabylady

NUR-SULTAN. QazAqparat - Avtomobıl qozǵalysy Qabanbaı batyr dańǵyly men Sh.Qosshyǵululy kóshesi boıynsha joldardyń ortasha jóndelýine baılanysty ishinara jabylady, dep habarlaıdy elorda ákimdiginiń resmı saıty.

«Nur-Sultan qalasynyń Kólik jáne jol-kólik ınfraqurylymyn damytý basqarmasy Nur-Sultan qalasy PD Ákimshilik polıtsııa basqarmasynyń kelisimimen jol qozǵalysy qaýipsizdigin qamtamasyz etý maqsatynda Qabanbaı batyr dańǵyly men Sh.Qosshyǵululy kóshesindegi jol tósemin ortasha jóndeý jumystarynyń bastalǵany týraly habarlaıdy», - delingen vedomstvo habarlamasynda.

Osyǵan baılanysty, 25 sáýir - 5 mamyr aralyǵynda Qabanbaı batyr dańǵyly jáne 23 sáýir - 25 mamyr aralyǵynda Sh.Qosshyǵululy kóshesi boıynda kólik qozǵalysy ishinara shekteledi. Atap aıtqanda, Qorǵaljyn tas jolynan Saraıshyq kóshesine deıingi jáne Q. Kúmisbekov kóshesinen Sh.Beısekova kóshesine deıingi ýchaskeler jabyq bolady.

Qala joldarynda keptelis týdyrmaý úshin elorda turǵyndary men qonaqtary óz qozǵalys baǵyttaryn aldyn ala josparlaýy qajet.

Basqarmada keltirilgen qolaısyzdyqtar úshin keshirim suraıdy jáne qala turǵyndaryn jóndeý jumystaryna túsinistikpen qaraýǵa shaqyrady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT