+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Nur-Sultanda jol aqysy qymbattaı ma

2019 jylǵy 15 qazan 12:06
Bólisińiz:
Nur-Sultanda jol aqysy qymbattaı ma

NUR-SULTAN. QazAqparat - Elordada qoǵamdyq kólik tarıfin kóterý máselesi qarastyrylyp otyrǵan joq. Bul týraly búgin «Astana LRT» JShS basqarma tóraǵasy Bekmyrza Igenberdınov aıtty, dep habarlaıdy QazAqparat tilshisi.

Uqsas jańalyqtar
Ákimdik: Almatyda avtobýs jolaqysynyń naqty quny - 250 teńge Atyraýda avtobýs jolaqysyn elektrondy túrde tóleýge bolady Elordalyqtar jolaqyny bank kartalarymen tóleı alady

«Saralanǵan tarıf engizilgennen keıin tasymaldaýshylardyń tabysy shamamen 40 paıyzǵa artty. Sonymen qatar shtat pen jalaqynyń artýy esebinen shyǵyn da ósti. Qosalqy bólshekter satyp alyp, jyljymaly quramdy tártipke keltirdik. Soǵan saı jazǵa jáne qysqa daıyndyq júrgizildi. Endi kiris pen shyǵys arasynda aıyrma bıýdjet esebinen jabylýy tıis. Eger bıýdjet mundaıǵa daıyn bolmasa, onda ekinshi nusqa retinde tarıfti kóterý týraly aıtýǵa bolady. Biraq ázirshe biz tarıfti kóterý jaıynda sóz qozǵap otyrǵan joqpyz», - dedi ol «Qoǵamdyq kólik: reformalar jáne damý joldary» atty konferentsııa aıasynda BAQ ókilderine bergen suhbatynda.

Onyń atap ótýinshe, qazirgi ýaqytta kompanııa bir jyldaǵy jolaýshylar tasymalyna qatysty derekterdi alǵan. Atalǵan derekter saraptamalyq esepteýlermen birge tarıftik komııssııanyń qaraýyna engizilip otyr. Osydan keıin bul másele qoǵamdyq keńeste, qalalyq máslıhatta talqylanyp, esep aıyrysý tarıfi qandaı bolýy kerektigi anyqtalady.

«Bekitilgen tarıfti aýystyrý, ıaǵnı 90 teńgeden kóterý jaıynda sóz qozǵalyp otyrǵan joq. Biz sýbsıdııalaý múmkindigi jáne avtobýs parkteri alýy tıis jetispeıtin qarajat jaıynda aıtyp otyrmyz. Bizdiń esebimizge sáıkes, avtobýs parkterine jylyna 15,7 mlrd teńge qajet. Jalpy, jyl sońyna deıin 90 teńge deńgeıinde bekitilgen tarıftiń kóterilmeıtinine senimdimin», - dedi B.Igenberdınov.

Onyń atap ótýinshe, kelesi jyly qoǵamdyq kólik tarıfterine qatysty másele talqylanady, bıýdjettik múmkinshilikter qarastyrylady.

«Sodan keıin biz qalalyqtarǵa qolaıly bolatyn qandaı da bir jańa tarıftik jospar engizemiz nemese bıýdjet óz baptaryn qaıta qarastyrady. Óıtkeni, barlyq baǵdarlar anyqtalǵan. Buǵan qosa, qalanyń jartysy qoǵamdyq kólikpen júredi. Sondyqtan qazir narazylyq tolqynyn týyndatýdyń máni de joq. Menińshe, ákimdikpen birlesip kóńilge qonymdy ári ońtaıly sheshim tabamyz»,-dedi kompanııa basshysy.

Bizdiń kanalymyzǵa jazylyńyz:

Basty sózder: Nur-Sultan, Kólik, Tarıf,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT