Nur-Sultanda jeke kásipker túrmege 8 telefon alyp kirmek boldy
2022 jylǵy 1 shilde 19:52

Nur-Sultanda jeke kásipker túrmege 8 telefon alyp kirmek boldy

NUR-SULTAN. QazAqparat - Jeke kásipker Nur-Sultan kolonııasyna 8 telefon alyp kirmek bolǵan, dep habarlaıdy Polisia.kz.

Nur-Sultan qalasy QAJ departamentine qarasty ETs-166/5 mekemesine jeke kásipker tyıym salynǵan zattardy alyp kirýge tyrysty.

ıAǵnı, ol mekemege qurylys jumystaryn júrgizý úshin alyp kelgen bóshkeniń ishine 8 telefon, telefon qýattaǵysh, sim-kartalar, qulaqqap jáne basqa zattardy jasyryp, sottalǵan adamǵa kirgizbek bolǵan.

– Búgin biz mekemede jazasyn óteýshilerdiń qolyna tyıym salynǵan zattardyń túsýin aldyn alyp qana qoımaı, jańa qylmystardy da boldyrmaımyz. Mysalǵa, mekemede jazasyn óteýshiler uıaly telefon arqyly aldaý, bopsalaý degen sııaqty kóptegen qylmys jasaýy múmkin, – dedi departament bastyǵy D. Raqymbekov.

Atalǵan jaıyt boıynsha Arshaly kentiniń polıtsııa bóliminiń jedel-tergeý toby shaqyrtyldy.

Qazirgi tańda atalǵan tyıym salynǵan zattar qaı sottalǵanǵa ákelingenin anyqtaý jumystary júrip jatyr.

Anyqtalǵan jaǵdaıda, ol azamattar Qazaqstan zańnamasyna sáıkes tártiptik jazaǵa tartylady.


Foto: polisia.kz

Jańalyqtar

Úrdis

MURAǴAT