+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Nur-Sultanda jaıaý júrginshilerge arnalǵan kóshe ashyldy

2021 jylǵy 12 maýsym 21:11
Bólisińiz:
Nur-Sultanda jaıaý júrginshilerge arnalǵan kóshe ashyldy

NUR-SULTAN. QazAqparat - «Nur-Sultan-jaıly qala» master – jospary aıasynda Á.Mámbetov kóshesinde jaıaý júrginshilerge arnalǵan «Demalys Promenade» kóshesi ashyldy, dep habarlaıdy QazAqparat qala ákimdiginiń resmı saıtyna silteme jasap.

Uqsas jańalyqtar
Elordada er adam ózi jaldaǵan páterdegi teledıdarlardy lombardqa ótkizip jibergen Elordada joǵalǵan balalar tabyldy Elordada júk tasymaly qalaı júzege asyrylady

Á.Mámbetov kóshesiniń Kenesary kóshesi men Abaı dańǵylynyń arasyndaǵy bóligi demalys jáne mereke kúnderi jaıaý júrginshiler kóshesine aınalady. Endi bul kóshede avtokólikterdiń qozǵalysyna tyıym salynady.

Bunda jazda demalys kúnderi saǵat 10.00-22.00 aralyǵynda shyǵarmashylyq qoıylymdar, túrli oıyn saýyqtyq baǵdarlamalar, bı jarystary, sporttyq sheberlik synyptary, taqyryptyq festıvaldar jáne t.b ótkiziledi.

Jaıaý júrý aýmaǵy kireberis arkadan bastalady, oǵan jaqyn jerde ornalasqan sahnada kontsertter men qoıylymdar uıymdastyrylady. Kóshe boıynda qala turǵyndary men qonaqtary úshin shatyrlary bar saýda-kórme, sýretshiler alańdary, shahmat oınaýǵa, ulttyq oıyndarǵa («asyq atý» jáne «toǵyz qumalaq») arnalǵan oryndar qarastyrylǵan.

Sondaı-aq, erekshe ınstallıatsııalar, bar-ústelder men art-nysandardan foto aımaqtar ornatylǵan.

Sonymen qatar, jaz boıy «ORDA FM» radıosy Demalys Promenade-tan tikeleı efır júrgizedi. Kósheniń ashylý saltanatynda efırdiń alǵashqy qonaǵy qala ákimi Altaı Kólginov boldy.

«Biz elordany «Nur-Sultan-jaıly qala» master – jospary aıasynda damytýdamyz. Bul, eń aldymen, qalanyń adamdar úshin yńǵaıly bolýy. Jyl saıyn biz qoǵamdyq keńistikterdiń sanyn kóbeıtýdemiz, qala turǵyndary taza aýada ýaqyt ótkize alatyn tartylys núkteleri kóbirek bolady. Qazir kóptegen adamdar sportpen aınalysa bastady. Bul bizdi qýantady.

Búgin jaıaý júrginshiler kóshesi ashyldy, jaz boıy demalys kúnderi bul jerde kólik qozǵalysyna tyıym salynady. «Demalys Promenade» — bul qala teatrlarynyń, shyǵarmashylyq ujymdardyń ashyq aýada óner kórsetýiniń negizgi bóligi ótetin tartymdylyqtyń taǵy bir núktesi. «Demalys Promenade» «Teatralnyı» jaıaý býlvary (Omarov kóshesi) men qalanyń jaǵalaýyn biriktiredi, munda da abattandyrý jumystary júrgizilýde. Jaǵalaýda ózindik baqylaý alańy, sonymen qatar, átkenshekter men qyzyqty arhıtektýralyq formalar paıda bolady. Aǵymdaǵy jyly barlyǵy 150 aýla men 40 qoǵamdyq keńistikti (saıabaqtar, skverler, býlvarlar) salamyz jáne abattandyramyz.

Ótken jyly 76 gektardan astam aýmaq abattandyryldy. Alǵash ret sport alańdary, ıaǵnı konkı, fýtbol jáne basketbol alańdary jáne t.b. bar kópir astyndaǵy oryn abattandyryldy. Sondaı - aq, kógaldandyrý jumystaryn belsendi júrgizýdemiz, bul ekologııaǵa jaǵymdy áser etedi», - dedi elorda ákimi Altaı Kólginov jaıaý júrginshiler kóshesiniń ashylýynda.



Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT