+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Nur-Sultanda jastarǵa arnalǵan qyzmet kórsetý ortalyqtary ashylady

2021 jylǵy 20 qyrkúıek 18:23
Bólisińiz:
Nur-Sultanda jastarǵa arnalǵan qyzmet kórsetý ortalyqtary ashylady

NUR-SULTAN. QazAqparat – Bıyl jyl sońyna deıin elordada jastarǵa arnalǵan 3 ortalyq iske qosylady. Bul týraly Nur-Sultan qalasy ákimdigi «Astana jastary» ortalyǵy basshysynyń orynbasary Aıan Ermentaev málim etti, dep habarlaıdy QazAqparat tilshisi.

Uqsas jańalyqtar
«Jańǵyrý joly» qozǵalysyn respýblıkalyq jastar uıymy retinde qaıta qurǵan jón - Prezıdent UEFA Chempıondar lıgasy: «Manchester ıÝnaıted» birinshi orynǵa kóterildi Atyraýda jeke turǵyn úılerdiń aýlasynda saryshaıan qaptady

«Bıyl maýsymda ashylǵan jastarǵa qyzmet kórsetý ortalyǵy ázirge qala boıynsha bireý ǵana. Elordada turatyn halyqtyń sanyn eskere otyryp, bıyl jyldyń sońyna deıin elordanyń barlyq aýdandarynda atalǵan ortalyqty ashý jospary bar. ıAǵnı qazir tek Saryarqa aýdanynda bolsa, jyl sońyna deıin qalǵan 4 aýdanda jastarǵa qyzmet kórsetý ortalyǵy ashylady. Jyldyń sońyna deıin 5-myńǵa jýyq jastyń máselesin qarap, tıisti keńes, nusqaýlyq berý josparda bar. Jáne bul birmezettik sharýa emes, aldaǵy ýaqytta odan ári jetildirip, ortalyq qyzmeti jandana túsedi», - dedi Aıan Ermentaev.

Onyń aıtýynsha, atalǵan ortalyqtar Esil, Almaty jáne Baıqońyr aýdany aýmaǵynda ashylmaq.

«Biz jastarǵa birneshe baǵyt boıynsha keńes beremiz. Atap aıtqanda, jumysqa ornalasý, kásiptik baǵdar berý, aýla klýbtaryn damytý, quqyqtyq keńes berý jáne jastar arasynda eriktiler qozǵalysyn damytý. Kún saıyn qalamyzda júzdegen adam jumys izdeıdi, sonyń úshten biri 20-29 jas aralyǵyndaǵy jastar. Osy oraıda bizdiń ortalyq jastarǵa laıyqty jumys taýyp, tájirıbe jınaýyna járdemdesedi. Sondaı-aq, apta saıyn jastarǵa arnalǵan tegin trenıngter ótedi. Ondaǵy maqsat – jastar jumysqa ornalasýda nemese óz ıdeıasyn júzege asyrýda kezdesetin kedergilerdi eńserý, jeke daǵdylardy qalyptastyryp, kópshilikpen ońaı til tabysýǵa úıretý», - deıdi elordadaǵy jastarǵa arnalǵan qyzmet kórsetý ortalyǵynyń qyzmetkeri Anar Baltabaeva.

Buǵan deıin elordada alǵash ret ashylǵan jastarǵa arnalǵan qyzmet kórsetý ortalyǵynyń qyzmetimen tanystyrǵan edik.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT