Nur-Sultanda jasóspirim Esil ózenine batyp ketti
2022 jylǵy 5 shilde 13:46

Nur-Sultanda jasóspirim Esil ózenine batyp ketti

NUR-SULTAN. QazAqparat – Elordada demalys kúnderi jasóspirim Esil ózenine batyp ketti. Bul jaıynda Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.

«Demalys kúnderi Esil ózeniniń Turan dańǵyly jaǵyndaǵy jaǵalaýynda jasóspirim sýǵa batyp ketti. Bala dostarymen birge sýǵa túsip júrgen. Atalǵan fakti boıynsha sotqa deıingi tergeý júrgizilip jatyr», - dep atap ótti vedomstvonyń baspasóz qyzmetinen.

Departament málimetine qaraǵanda, polıtsııa qyzmetkerleri qalalyq tótenshe jaǵdaılar departamentiniń mamandarymen birlesip, sýǵa túsetin jerler men kommýnaldyq jaǵajaılardy sholǵyndaý úshin arnaıy mobıldi top qurǵan.

«Atalǵan top kisi ólimine jol bermeý maqsatynda sý nysandaryn tekseredi, azamattarǵa sýda shomylý erejesin saqtaý qajettigin, balalar men jasóspirimderdi eresek adamdardyń qaraýynsyz sýǵa jibermeýdi eskertedi. Elorda aýmaǵynda barlyq patrýldik kólikter qutqarý quraldarymen jabdyqtalǵan», - dedi departamentten.


Uqsas jańalyqtar

Jańalyqtar

Úrdis

MURAǴAT