+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Nur-Sultanda jańadan 4 sport kesheni salynady

2020 jylǵy 10 tamyz 17:00
Bólisińiz:
Nur-Sultanda jańadan 4 sport kesheni salynady

NUR-SULTAN. QazAqparat – Nur-Sultan qalasynda jańadan 4 dene shynyqtyrý jáne saýyqtyrý kesheni salynady. Bul týraly brıfıng barysynda elordalyq Dene shynyqtyrý jáne sport basqarmasy basshysynyń orynbasary Narıman Elamanov málim etti, dep habarlaıdy QazAqparat.

Uqsas jańalyqtar

«100 dene shynyqtyrý-saýyqtyrý keshenin» salý jobasy aıasynda atalmysh nysandar Ilınka, Kóktal-2, Óndiris, Jeleznodorojnyı turǵyn úı alaptarynda boı kóteredi.

«Qazirgi ýaqytta úsh dene shynyqtyrý jáne saýyqtyrý kesheniniń qurylysy júrip jatyr. Qosymsha, «Jumyspen qamtýdyń jol kartasy» aıasynda «Tolqyn» sport kesheniniń shatyry kúrdeli jóndeýden ótti. Qazir tek qabyrǵalaryn tegisteý, aqtaý, syrlaý sııaqty jumystary qaldy», - dep atap ótti Narıman Elamanov.

Sondaı-aq, Nur-Sultan qalasyndaǵy «Qazaqstan» sport saraıyn zamanaýı tehnologııalardy qoldana otyryp jóndeý jobasy pysyqtalýda. Oǵan qosa, «Astana Arena» stadıonynyń fýtbol alańyn jańartý jáne kıim aýystyrý bólmelerin, kireberisin jóndeý júrgizilýde.

«Sonymen qatar qalada IAAF (Halyqaralyq jeńil atletıka federatsııalarynyń qaýymdastyǵy) talaptaryna tolyq sáıkes keletin jabyq ǵımarattarda halyqaralyq jáne respýblıkalyq jarystardy ótkizýge arnalǵan jeńil atletıkalyq sport kesheniniń qurylysy aıaqtalýda. Nysan álem chempıonattary men jazǵy Olımpıada oıyndaryn qosa alǵanda, sportshylardy halyqaralyq jarystarǵa daıarlaý úshin qazirgi zamanǵy joǵary tehnologııalyq baza bolady. «Qazanat» ıppodromynyń aýmaǵynda ıppoterapııa ádisimen múmkindigi shekteýli balalardy ońaltý úshin at sporty keshenin salý jáne paıdalanýǵa berý boıynsha jumystar júrgizilýde. Nysan 250 adamǵa arnalǵan, 600 oryndyq trıbýnalary bar. Bul joba memlekettik-jekeshelik áriptestik sheńberinde jeke qarjylyq bastama boıynsha iske asyrylyp jatyr», - dedi N.Elamanov.

Budan bólek, qalalyq Dene shynyqtyrý jáne sport basqarmasy basshysy orynbasarynyń málimetinshe, elordada velojoldar salý jumysy qarqyn alǵan. Josparlanǵan 123 km joldyń 70 km búginde salynyp bitken. 2020 jyly – 46,4 km, 2021 jyly – 36 km, al 2022 jyly – 40,7 km velojol salý josparlanýda.

Osy oraıda eske sala keteıik, bıyl Nur-Sultanda 12 mektep salynady. Bul týraly búgin birqatar oqý oryndarynyń qurylysymen tanysqan elorda ákimi Altaı Kólginov málimdegen edi.


Bizdiń kanalymyzǵa jazylyńyz:

Bólisińiz:

Avtor:

Zarına Týǵanbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT