Nur-Sultanda ıadrolyq qarýdan azat álem taqyrybynda halyqaralyq kórme ashyldy

NUR-SULTAN. QazAqparat - 1 qazan kúni Elbasy kitaphanasynda «Siz baǵalaıtynnyń bári – ıadrolyq qarýdan azat álem úshin» halyqaralyq kóshpeli kórmesiniń tusaýkeseri ótti, dep habarlaıdy QazAqparat.

Іs-sharany Japonııadaǵy Qazaqstan Respýblıkasy elshiliginiń qoldaýymen Qazaqstan Respýblıkasynyń Tuńǵysh Prezıdenti – Elbasy kitaphanasy, «Soka Gakkai International» (SGI), ıAdrolyq qarýdy joıýdy qoldaıtyn Halyqaralyq kompanııa (ICAN) uıymdastyrdy.

Kórme Semeı ıadrolyq synaq polıgonyndaǵy sońǵy jarylystyń 30 jyldyǵyna (1989 jylǵy 19 qazan), «Ortalyq Azııadaǵy ıadrolyq qarýdan azat aımaq týraly shartty ratıfıkatsııalaý týraly» Qazaqstan Respýblıkasy Zańynyń 10 jyldyǵyna (2009 jylǵy 5 qańtar), Qazaqstannyń aǵymdaǵy jyldyń 29 tamyzynda álemdegi 26-shy el bolyp ıAdrolyq qarýǵa tyıym salý týraly shartty ratıfıkatsııalaǵan ataýly kúnge arnalǵan. Sondaı-aq, atalǵan kórme - Elbasy kitaphanasynyń jahandyq qaýipsizdik taqyrybyna arnalǵan halyqaralyq jobasynyń jalǵasy. Onyń alǵashqy bólimi a.j. 19 qyrkúıekte Tokıo qalasynda ótken Elbasy kitaphanasynyń «Qazaqstan-Japonııa: ıadrolyq qarýsyz álemge jol» taqyrybyndaǵy kórmesi men konferentsııasy boldy.

Kórmeni ashqan Elbasy kitaphanasynyń dırektory, saıası ǵylymdardyń doktory, professor Ámirhan Rahymjanov is-sharanyń tek qana Qazaqstan men Japonııa halqyn ǵana emes, barsha adamzatty tolǵandyryp otyrǵan jahandyq qaýipsizdik máselesi ekenine toqtaldy.

«Búgingi kórmeniń Qazaqstanda ótýi kezdeısoqtyq emes. Qazaq jeri Japonııanyń Hırosıma men Nagasakı qalalary syndy ıadrolyq qarýdyń qasiretin shekken memleket. Semeı synaq polıgonynda 40 jyldan astam ýaqyt ıadrolyq synaqtar ótip, 1,5 mıllıonnan astam qazaqstandyq zardap shekti, qazir de túrli synaq zardaptary baıqalady. Osydan 30 jyldaı buryn, 1991 jylǵy 29 tamyzda Semeı ıadrolyq synaq polıgonyn japqan, Ortalyq Azııada ıadrosyz aımaq qalyptastyryp, 29 tamyzdy ıAdrolyq synaqqa qarsy is-qımyldyń halyqaralyq kúni dep jarııalaýǵa bastamashylyq etken Qazaqstannyń Tuńǵysh Prezıdenti, jahandyq antııadrolyq qozǵalystyń kóshbasshysy Nursultan Ábishuly Nazarbaev ekenin barsha álem biledi», - dedi Ámirhan Muratbekuly.

Óz kezeginde Soka Gakkaı Interneshnl uıymynyń vıtse-prezıdenti Hırotsýgý Terasakı, Elbasy kitaphanasyna qonaqjaılyq kórsetkeni úshin rızashylyq bildirip, Soka Gakkaı Interneshnl Prezıdenti Daısaký Ikedanyń «Siz baǵalaıtynnyń bári – ıadrolyq qarýdan azat álem úshin» kórmeniń ashylýyna arnalǵan quttyqtaý sózin oqyp berdi.