Nur-Sultanda týrıstik aqparattyq ortalyq ashylady
2022 jylǵy 4 shilde 17:11

Nur-Sultanda týrıstik aqparattyq ortalyq ashylady

NUR-SULTAN. QazAqparat – 2023 jyly elordada týrıstik aqparattyq ortalyq ashylady. Bul týraly Nur-Sultan qalasy ınvestıtsııalar jáne kásipkerlikti damytý basqarmasynyń basshysy Erjan Baltaev málim etti, dep habarlaıdy QazAqparat tilshisi.

«Kelesi jyly Mádenıet jáne sport mınıstrligi Kazakh Tourism ulttyq kompanııasymen birlesip, elordadaǵy Abu Dabi Plaza kesheniniń qasynan týrıstik aqparattyq ortalyq ashýdy josparlap otyr. Ol jerde týrısterge tolyqtaı aqparat usynylady. Sonymen qatar týrıstik operatorlardyń kartasy, olar týraly derekter qoljetimdi bolmaq. Týrıstik ortalyq aqparatty 4 tilde usynady», - dedi Erjan Baltaev tilshilerdiń suraǵyna jaýap berip.

Onyń aıtýynsha, atalǵan ortalyqta týrıster ınternet pen kompıýterdi paıdalanyp jumys isteı alady.

«Sondaı-aq, ortalyqtyń ishinde ulttyq mádenıetten habar beretin jáne qolónershiler buryshyn ashý oıda bar. ıAǵnı týrıster bizdiń eldiń mádenıetimen jaqynyraq tanysa alady», - deıdi ol.

Odan bólek, basqarma basshysy týrıstik ortalyq ashylǵan soń Call ortalyqtyń iske qosylatynyn tilge tıek etti. Call ortalyqqa habarlasý arqyly týrıster óz suraqtaryna táýlik boıy jaýap ala alady.

Aıta ketsek, búgin Nur-Sultan qalasynda jańa týrıstik fotoalań paıda boldy . Neo Nomad - 2022 dep atalatyn týrıstik aktsııaǵa kez kelgen adam qatysa alady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT