Nur-Sultanda terrorızmge qarsy oqý-jattyǵý ótedi
2022 jylǵy 29 sáýir 08:00

Nur-Sultanda terrorızmge qarsy oqý-jattyǵý ótedi

NUR-SULTAN. QazAqparat – Búgin, 29 cáýirde, saǵat 8-den 14-ke deıin Nur-Sultanda terrorızmge qarsy josparly oqý-jattyǵý ótedi, dep habarlaıdy QazAqparat elordalyq terrorızmge qarsy kúres jedel shtabyna silteme jasap.

«Osy jyldyń 29 sáýiri saǵat 8:00-den 14:00-ge deıin elordalyq terrorızmge qarsy kúres jedel shtaby «QTJ» AQ tehnıkalyq jolaýshylar parki aýmaǵynda (Shý kóshesiniń aıaǵy, ál-Farabı dańǵyly men Qoshqarbaev kósheleriniń qıylysynda) terrorızmge qarsy josparly oqý-jattyǵý ótkizbekshi.

Іs-sharanyń maqsaty - jedel shtab kúshteri men quraldarynyń terrorıstik belgilerge shuǵyl áreket etý boıynsha mindetterin oryndaýǵa daıyndyǵyn tekserý. Oqý-jattyǵý kezinde barlyq kúrdeli elementter qoldanylady», -dedi jedel shtabtan.

Vedomstvonyń málimetinshe, tehnıkalyq jolaýshylar parki aımaǵynda shekteý sharalary qarastyrylǵan.

«Azamattardy júrgizilip jatqan oqý-jattyǵý sharalaryna túsinistikpen qarap, barlyq qaýipsizdik sharalaryn saqtaýǵa jáne jaýapty memlekettik organ qyzmetkerleriniń zańdy talabyn oryndaýǵa shaqyramyz», - delingen habarlamada.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT