Nur-Sultanda terezeden qulaı jazdaǵan eki búldirshin qutqaryldy

NUR-SULTAN. QazAqparat - Elordada 5 jáne 2 jasar qyzdar terezeden qulaı jazdady, dep habarlaıdy QazAqparat qalalyq tótenshe jaǵdaılar departamentine silteme jasap.

Uqsas jańalyqtar

Óskemende 3 jasar bala besinshi qabattaǵy terezeden qulap ketti

Búgin polıtsııaǵa qala turǵyny habarlasyp, 4-qabattaǵy terezede kishkentaı bala turǵanyn jáne qulap ketýi múmkin ekenin aıtqan. Keshki 18-04 kezinde qalalyq tótenshe jaǵdaılar departamentiniń qyzmetkerleri Kúıshi Dına kóshesi, 30-úıge jetti. Olar kele salysymen 4-qabattyń terezesinde eki kishkentaı bala turǵanyn anyqtady.

Qutqarýshylardyń biri, azamattyq qorǵanys serjanty R. Kóbetaev polıtseımen birge avtosatynyń kómegimen páter terezesine kóterilip, eki búldirshindi ishke kirgizdi. Olar úıde ózderi ǵana eken, úlkenderden eshkim joq.

Qutqarýshylardyń shuǵyl áreketiniń arqasynda 2015 jáne 2018 jyly týǵan eki qyz bala aman qaldy.

«Bul - balalarǵa qaýip tónbeı, arty qaıǵyly jaǵdaıǵa ulaspaı, sátti aıaqtalǵan oqıǵalardyń biri. Ata-analardan balany páterde ózin ǵana ońasha qaldyrmaýdy ótinemiz» dep málim etti departament.