+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Nur-Sultanda tabıǵı gazdyń tarıfi 45 teńge bolyp bekitildi

2020 jylǵy 17 qyrkúıek 15:36
Bólisińiz:
Nur-Sultanda tabıǵı gazdyń tarıfi 45 teńge bolyp bekitildi

NUR-SULTAN. QazAqparat - Nur-Sultan qalasynyń ákimdigi gaz tarıfiniń bekitilgenin jarııalady, dep habarlaıdy QazAqparat tilshisi.

Uqsas jańalyqtar
Qordaı aýdanynyń eki aýylyna gaz jetti

Elorda ákimi Altaı Kólginov qoǵamdyq keńes múshelerimen kezdesýde gaz júrgizý barysy, uzaqqa sozylǵan nysandar qurylysy, turǵyn aýdandarda júrgizilip jatqan jumystar, áleýmettik mańyzy bar taýarlar baǵasyn turaqtandyrý sharalary jáne qalanyń damýy týraly aıtty.

Onyń sózinshe, eger buryn gazdyń tekshe metri - 60 teńge bolsa, ákimdik ortalyq ýákiletti organdarmen birge aqshany únemdeý maqsatynda ony tómendetý úshin aýqymdy jumys júrgizgen. Osylaısha, gazdyń tekshe metriniń baǵasy 45 teńgege deıin tómendetilgen.

Osylaısha, elorda turǵyn aýdandarynda kvartalishilik gazben jabdyqtaý jelilerin salý boıynsha aýqymdy jumys júrgizilýde. Mysaly, Jeleznodorojnyı turǵyn alabynda 100%, Promyshlennyı jáne Kóktal-2 turǵyn alaptarynda 95%, Kóktal-1 turǵyn alabynda 80% gaz taratý jelileri tartylǵan.

Bul jumystar Agroqalashyq, Ońtústik-Shyǵys turǵyn alaptarynda da júzege asyrylady. Atalǵan turǵyn aýdandar halqy, sondaı-aq Agroqalashyq turǵyn alabynyń bir bóligi aldaǵy jylytý maýsymynda úılerin gazben jylytady.

Ol úshin turǵyndar úılerdi gazǵa qosýdyń tehnıkalyq sharttaryn alýǵa front-keńselerge habarlasýy kerek. Jeke sektor turǵyndary úshin ákimdik eseptegishterdi tegin usynady.

«Elordany gazdandyrý - Elbasynyń tarıhı jobasy. «Saryarqa» gaz qubyrynyń ońtústik aımaqtan elordaǵa deıin 1000 shaqyrymnan astam joly tartyldy. Bul óte úlken jumys, jobaǵa mıllıardtaǵan qarajat quıyldy, ol ýaqyt óte kele qaıtarylýy kerek. Gazdandyrý qorshaǵan ortany jaqsartýǵa ǵana emes, turǵyndardyń densaýlyǵyna paıdaly áser etedi, sonymen qatar jeke sektor turǵyndarynyń ómir súrý jaǵdaılaryn aıtarlyqtaı jeńildetedi. Aqyr sońynda, uzaq qys aılarynda birneshe saǵat saıyn úıdi jylytýdyń, kómir túsirip, ony saqtaýdyń qajeti bolmaıdy. Adamdar kómirtegi totyǵymen ýlanǵan jaǵdaılar boldy. Bul máselelerdiń barlyǵy sheshimin tabady. Gaz kómirge qaraǵanda salystyrmaly túrde qymbat, biraq onyń artyqshylyǵy kóp, eń aldymen bul - qaýipsiz otyn túri. Sonymen qatar bıyl biz JEO-1 jáne JEO-2-de birqatar qazandyqtardy gazǵa aýystyrýdy josparlap otyrmyz. Gazdandyrý protsesi úsh kezeńge bólinedi, kezeń-kezeńimen barlyq turǵyn aýdandar gazǵa qosylady. Bul másele Memleket basshysynyń baqylaýynda», - dedi elorda ákimi Altaı Kólginov.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT