Nur-Sultanda Sırııa boıynsha HІV kezdesý ótedi

NUR-SULTAN. QazAqparat – 10-11 jeltoqsanda elordada Sırııa boıynsha kezekti halyqaralyq joǵary deńgeıdegi HІV kezdesý ótedi. Bul týraly QR SІM resmı ókili Aıbek Smadrııarov málim etti, dep habarlaıdy QazAqparat tilshisi.

«Oǵan kepilger elder – Iran, Reseı, Túrkııa, Sırııa Úkimeti, Sırııa qarýly oppozıtsııasy delegatsııasynyń qatysýy josparlanýda. Baqylaýshylar retinde BUU, Iordanııa, Lıvan jáne Iraktyń joǵary ókilderi qatysady. Otyrystyń kún tártibine kelesi máseleler kiredi: Sırııadaǵy ahýal, Ifrat ózeniniń arǵy jaǵy jáne Idlıb máselelerine basymdyq, tutqyndardy bosatý jáne iz-túzsiz joǵalǵan adamdardy izdestirýdi qosa alǵanda senim sharalary, bosqyndardy qaıtarý jáne memleket ishinde qonys aýdarǵan tulǵalar konteksinde Sırııaǵa keshendi gýmanıtarlyq kómek kórsetýdi jandandyrý, onyń ishinde halyqaralyq konferentsııa ótkizý týraly tıisti bastamalardy talqylaý, Konstıtýtsııalyq komıtettiń iske qosylýy aıasynda saıası úderisterdi ilgeriletý», - dedi Aıbek Smadııarov SІM-de ótken baspasóz máslıhatynda.

Onyń aıtýynsha, sondaı-aq, atalmysh kezdesý alańynda BUU men halyqaralyq Qyzyl Krest komıtetiniń kepilgerleri men sarapshylarynyń qatysýymen kúshpen ustalyp otyrǵan adamdarǵa arnalǵan jumys tobynyń onynshy otyrysyn ótkizý josparlanǵan.