+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Nur-Sultanda «saqaldy» qurylystarǵa tekserý júrgizildi

2021 jylǵy 23 maýsym 12:10
Bólisińiz:
Nur-Sultanda «saqaldy» qurylystarǵa tekserý júrgizildi

NUR-SULTAN. QazAqparat - Bıyl elordada qurylysy aıaqtalǵan 50-den astam úı paıdalanýǵa beriledi, dep josparlanyp otyr. Bul týraly Nur-Sultan qalasynyń ákimi Altaı Kólginov Instagram paraqshasynda málim etti, dep habarlaıdy qala ákimdiginiń resmı saıty.

Uqsas jańalyqtar
Atyraý oblysynyń Bas arhıtektory taǵaıyndaldy Soltústik Qazaqstanda sot aýdan ákimin jazalap, aıyppul saldy Qyzylordada eki aýyldyq okrýgte ákim saılaýy ótip jatyr

«Qalada uzaq ýaqyttan beri salynyp kele jatqan qurylystardy aıaqtaý jumysyn júıeli túrde jalǵastyramyz. Qurylysy aıaqtalmaǵan kóppáterli turǵyn úı keshenderi jyldar boıy turyp qaldy. Olardyń ishinde 17 jylǵa sozylǵan qurylystar da bar. Ár nysannyń jaǵdaıy ártúrli: birinde tek qazandyǵy, al ekinshisinde apatty jaǵdaıdaǵy qańqasy ǵana bar. «Saqaldy» qurylystyń bárine tolyq tekserý júrgizdik. 2019 jyly jazda osyndaı jaǵdaıda turǵan, problemasy sheshilmegen 52 nysan boldy. Olar birneshe kóppáterli keshennen turady.

20-dan astam turǵyn úı qurylysy kooperatıvteriniń tóraǵalarymen birge eń ózekti degen máselelerdi talqyladyq. Onyń barysynda naqty ýaqytyn belgilep, aldaǵy jumys josparyn jasadyq. Kezdesýge «Jeti jol», «Magıstralnyı», «Zere-2», «Arystan», «Shyǵys» (1A, 1V, 2A, 2V), «Baspana Kóktal», «Úmit-Bereke», «Stolıchnyı-2», «Ala Samal» jáne t.b. TQK ókilderi qatysty.

Mysaly, TQK, ıaǵnı turǵyn úı qurylys kooperatıvteri qyzmetine aralaspaý qaǵıdatyn saqtaý, resmı moıyndalǵan TQK-men ǵana yntymaqtastyq júrgizý, tıptik kelisimsharttardy mindetti tirkeýden bosatý, sonymen qatar turǵyn úı qatynastary týraly zańnyń keıbir tarmaqtaryna ózgerister engizý sekildi ózge de máseleler kóterildi. Kezdesýge sonymen qatar qalalyq polıtsııa basshysy E. Sadenov, prokýratýra ókilderi, BKQ, basqarmalar men basqa da memlekettik organdar basshylary qatysty. Kóterilgen máseleler nazarǵa alynyp, sol boıynsha jumystar júrgizilýde.

Qazirdiń ózinde qaladaǵy «saqaldy» qurylystardyń aıtarlyqtaı azaıǵanyn baıqaýǵa bolady. Máselen, 2019 jyly jazda qurylysy uzaqqa sozylǵan 52 nysan bolsa, sol jyldyń sońynda 10 «saqaldy» qurylys nysanyn paıdalanýǵa berdik. 2020 jyly odan eki ese kóp nysan berildi. Bıyl 50-den astam úıdiń qurylysyn aıaqtap, paıdalanýǵa berýdi kózdep otyrmyz. Bul 7 myńnan astam úleskerdiń máselesin sheshýge múmkindik beredi. Árbir «saqaldy» qurylys boıynsha kezeń-kezeńimen júzege asyrylatyn sharalar jospary jasalǵan», — dep jazdy elorda ákimi.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT