+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Nur-Sultanda respýblıkalyq jastar forýmy ótti

2019 jylǵy 30 qazan 14:52
Bólisińiz:
Nur-Sultanda respýblıkalyq jastar forýmy ótti

NUR-SULTAN. QazAqparat – Búgin Qazaqstan halqy Assambleıasynyń uıymdastyrýymen Nazarbaev Ýnıversıtetinde respýblıkalyq «Social Assembly» jastar forýmy ótti, dep habarlaıdy QazAqparat.

Uqsas jańalyqtar
Prezıdent: Volonter stýdentterdiń shákirtaqysyn ulǵaıtýǵa bolady Qazaqstandyqtar aptasyna kem degende 2 saǵatyn volonterlikke arnaýy tıis – Toqaev Qańtardan bastap stýdentter men magıstranttardyń shákirtaqysy ósedi

Assambleıa baspasóz qyzmetiniń habarlaýynsha, kreatıvti jobalardy júzege asyrýǵa múmkindik beretin talantty jastarǵa arnalǵan alań qurýdy maqsat etken forýmǵa elimizdiń ár aımaǵynan 100-ge jýyq jastar jınaldy.

Olar aımaqtaǵy Jastar jylynyń qorytyndysy boıynsha beınerolıkterin tanystyrdy, sondaı-aq, startap-jobalary bar jastardyń bıznes-ıdeıalary sarapqa salyndy.

Forým jumysyna QHA músheleri, memlekettik organdar men mekemelerdiń ókilderi, «100 esim» jobasynyń jeńimpazdary men jastar uıymdary qatysty.

Qazaqstan halqy Assambleıasy Tóraǵasynyń orynbasary Janseıit Túımebaevpen kezdesken jastar ózderin tolǵandyrǵan máselelerdi ortaǵa saldy, sondaı-aq, el damýyna jastardyń qosar úlesi taqyrybynda suhbat qurdy.

Janseıit Qanseıituly Assambleıanyń jastar qozǵalysynyń Jastar jyly aıasynda atqarǵan jumysyna joǵary baǵa berdi. Sondaı-aq, jastar tanystyrýǵa usynǵan áleýmettik jobalardyń iske asyrylatynyna senim bildirdi.

«Aldaǵy ýaqytta da jas kóshbasshylardyń áleýetin damytyp, jańa ıdeıalar men usynystardy júzege asyrýǵa múmkindik beretin jaǵdaı qalyptastyratyn bolamyz. 2019 jyl Qazaqstan úshin erekshe jyl boldy. Biz Táýelsizdik jyldary ishinde alǵash ret Jastar jylyn ótkizip, aýqymdy isterge serpin berdik», - dedi Janseıit Túımebaev.

Qazaqstan halqy Assambleıasy jastardyń kreatıvti jobalaryn júzege asyrý alańyna aınalýdy kózdeıdi. Forým aıasynda jastar jobalyq menedjment, netvorkıng boıynsha dárister tyńdap, «Jastar jyly-Dańǵyl jol» onlaın konkýrsynyń nátıjesi jarııa etildi. Sondaı-aq, jas memleketshilder áleýmettik máselelerdi sheshý boıynsha ózderiniń usynystaryn da aıtty.

Atalǵan jıynǵa startap jobalardyń júzege asyrylýyna mentorlyq koldaý kórsetý, ınvestıtsııa tartý maqsatynda kásipkerler de qatysty. Nátıjesinde, tańdalyp alynǵan bıznes jáne áleýmettik jobalar shaqyrylǵan spıkerler men mentorlardyń talqylaýyna usynyldy. Eń ozyq shyqqandary «Úzdik áleýmettik joba», «Úzdik bıznes-ıdeıa», «Úzdik ІT joba», «Úzdik medıa joba» nomınatsııalary boıynsha marapatqa usynyldy. Sondaı-aq, jastar ókilderiniń ınteraktıvti trenıngter arqyly baq synasýyna, tájirıbe almasýyna múmkindik berildi.

Forým aıasynda «Innovation Day», «Startup alańy» kórmeleri uıymdastyryldy. Aımaqtardan kelgen jastar óz jobalaryn tanystyrý múmkindigine ıe boldy. QHA jastar qanaty aımaqtyq shtabtarynyń kóshbasshylary jastardyń el damýyndaǵy alatyn orny men qyzmeti taqyrybynda óz oılaryn ortaǵa salyp, óńirlerde júrgizilip jatqan jumystar boıynsha esep berdi.

Forýmda jastar básekege qabilettilik taqyrybynyń tóńireginde de pikir talastyrdy. Ásirese, aýyldyń memleket tiregi ekendigine basymdyq bergen jas memleketshilder aýyldaǵy talantty jastardyń óz ıdeıalaryn júzege asyrýyna qoldaý kórsetý kerek dedi. Jastarǵa ásirese, qazaqstandyqtardyń úlken qyzyǵýshylyǵyn týdyrǵan «100 esim» jobasynyń jeńimpazdarymen kezdesý úlken shabyt syılady. Olar halyqtyń ishinen sýyrylyp shyqqan úzdiktermen búkpesiz suhbattasý arqyly, tabystylyq pen tanymaldylyqqa jetýdiń jolyn anyq uǵynǵandaı boldy. Jastarmen kezdesýge saıasattanýshylar men qoǵam qaıratkerleri ǵana emes, sondaı-aq sporttyq dodalardan qanjyǵasy qur qaıtpaǵan jeńimpazdar men ónerdiń shyńyn baǵyndyrǵan daryndy ónerpazdar da kelgen bolatyn.

Sondaı-aq, forým qatysýshylary úshin Nazarbaev Ýnıversıtetine ekskýrsııa uıymdastyrylyp, «Abaı álemi» buryshy tanystyryldy.

Jıyn sońynda forým jumysyna qatysýshylar kelesi jyldyń Eriktiler jyly dep jarııalanýyna baılanysty óz usynystaryn bildirdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT