Nur-Sultanda ótetin velojarys 28 mamyrǵa aýystyryldy
2022 jylǵy 20 mamyr 22:48

Nur-Sultanda ótetin velojarys 28 mamyrǵa aýystyryldy

NUR-SULTAN. QazAqparat - Elordada balalar jyly men jańa velomaýsymnyń bastalýyna oraı jappaı velosherý ótkizý josparlanyp otyr. Іs-shara 28 mamyrda ótedi, dep habarlaıdy QazAqparat qala ákimdiginiń resmı saıtyna silteme jasap.

Bul týraly elordalyq dene shynyqtyrý jáne sport basqarmasy eskertti.

Osyǵan deıin habarlanǵandaı, jappaı velosherý 21 mamyrda ótýi tıis bolatyn. Alaıda aýa raıynyń qolaısyzdyǵyna baılanysty 28 mamyrǵa aýystyryldy.

Іs-shara «Astana ormany» jasyl beldeýiniń velojolynda ótedi.

Qatysýshylar 3 shaqyrym qashyqtyqty júrip ótedi. Tirkeý saǵat 09.00-de bastalady, al jarystyń bastalatyn ýaqyty – saǵat 10.00.

Uıymdastyrýshylar velosherý sport jarysy emes ekenin aıryqsha atap ótti.

Sol sııaqty qatysýshylar arasynda lotereıa uıymdastyrylyp, baǵaly syılyqtar oınatylady.

Balalar jyly men velomaýsymnyń ashylýyna oraı uıymdastyrylǵan jappaı velosherý Nur-Sultan qalasy ákimdiginiń qoldaýymen ótedi.

Qalanyń turǵyndary men qonaqtaryn jappaı velojarysqa belsendi qatysýǵa shaqyramyz!


Jańalyqtar

MURAǴAT