+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Nur-Sultanda oqshaýlaný talaptaryn buzǵandar qansha aıyppul tóleıdi

2021 jylǵy 4 tamyz 14:45
Bólisińiz:
Nur-Sultanda oqshaýlaný talaptaryn buzǵandar qansha aıyppul tóleıdi

NUR-SULTAN. QazAqparat – Elordanyń bas sanıtar dárigeri Sarhat Beısenova qala turǵyndaryn koronavırýstyń aldyn alý sharalaryn saqtaýǵa shaqyrdy, dep habarlaıdy QazAqparat tilshisi.

«Ókinishke qaraı, kóp adamdar qaýipsizdik sharalaryn tıisti deńgeıde saqtaı bermeıdi. Eskertý men jazalaý sharalaryna qaramastan, keıbir elordalyq mekemeler sanıtarlyq normalar men karantın talaptaryn eskermeıdi, keıbir kásipkerlik nysandary jasyryn jumys isteýdi jalǵastyryp jatyr», - dedi S. Beısenova elorda ákimdiginde ótken brıfıngte.

Spıkerdiń aıtýynsha, bıylǵy 20 mamyrdan bastap monıtorıng toptary 7215 nysandy tekserdi, 251 nysanda karantın rejımin buzý faktileri anyqtaldy, onyń ishinde qoǵamdyq tamaqtaný nysandary kóp.

«Ashyq jobasy engizilgen sátten bastap qatysýshy nysandarda úı karantınin buzǵan 8518 kelýshi anyqtaldy. Onyń ishinde 5065 adam «qyzyl» mártebemen, 3453 adam «sary» mártebemen kirýge tyrysqan. Onyń ishinde, 11 maýsym men 3 tamyz aralyǵynda úı karantınin buzǵan 4847 kelýshi anyqtaldy», - dep atap ótti spıker.

Sonymen birge, úı karantınin buzǵan «qyzyl» mártebesi bar kelýshilerge qatysty QR ÁQBtK 425-babynyń 1-bóligi boıynsha 32 hattama jasaldy jáne «sary» mártebesi bar adamdarǵa sanıtarııalyq-epıdemııaǵa qarsy (profılaktıkalyq) is-sharalar júrgizý týraly 99 qaýly berildi.

«ıAǵnı, eger karantındegi naýqas adam sanıtarlyq-epıdemıologııalyq talaptardy saqtamasa, ózin-ózi oqshaýlaý rejımin buzsa jáne aınalasyndaǵylarǵa qasaqana juqtyrý qaýpin týdyrsa, zańǵa sáıkes oǵan 30 AEK nemese 87 510 teńge mólsherinde ákimshilik aıyppul salynady» - dep túıindedi S.Beısenova.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT