Nur-Sultanda kran kabeli úzilip, qurylysshy qaza tapty
2022 jylǵy 16 mamyr 20:20

Nur-Sultanda kran kabeli úzilip, qurylysshy qaza tapty

NUR-SULTAN. QazAqparat – Elordada qurylys alańdarynyń birinde qurylysshy mert boldy, dep habarlaıdy QazAqparat.

«15 mamyr saǵat 03:34 shamasynda Esil aýdany Turan dańǵyly, 50 mekenjaıynda «Turan 1» turǵyn úı kesheniniń qurylys obektisi aýmaǵynda qaıǵyly jaǵdaı boldy. Qurylys salýshy - «EMPAIRE» JShS. Oqys oqıǵa qurylys-montajdaý jumysy barysynda júk kótergish mehanızmdi paıdalaný kezinde oryn alǵan. Aldyn ala málimet boıynsha, munara kranynyń kabeliniń úzilýi metall ilgektiń qulaýyna ákelip soqqan», - delingen Tótenshe jaǵdaı mınıstrliginiń habarlamasynda.

Saldarynan bir jumysshy oqıǵa ornynda qaza tapqan.

«Nur-Cultan qalalyq orta sapasy jáne baqylaý basqarmasy osy jazataıym oqıǵany tergeý úshin arnaıy komıssııa qurady. QR Tótenshe jaǵdaılar mınıstrligi ónerkásiptik qaýipsizdik komıtetiniń elorda boıynsha departamentiniń qyzmetkeri avarııanyń sebepteri men mán-jaıyn anyqtaý maqsatynda osy komıssııanyń jumysyn basqarady. Tergeý nátıjesi qosymsha habarlanady», - dedi mınıstrliktiń baspasóz qyzmeti.


Jańalyqtar

MURAǴAT