+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Nur-Sultanda kózi nashar kóretin balalarǵa arnalǵan balabaqsha men mektep ashyldy

2021 jylǵy 6 shilde 01:32
Bólisińiz:
Nur-Sultanda kózi nashar kóretin balalarǵa arnalǵan balabaqsha men mektep ashyldy

NUR-SULTAN. QazAqparat - Elorda kúni qarsańynda kórý qabileti buzylǵan balalarǵa arnalǵan mamandandyrylǵan balabaqsha men mektep ashyldy. Bul jaıynda Nur-Sultan qalasynyń ákámi Altaı Kólginov Instagram paraqshasynda málim etti.

«Elorda kúni qarsańynda birneshe áleýmettik nysan ashyldy. Onyń arasynda kórý qabileti buzylǵan balalarǵa arnalǵan mamandandyrylǵan balabaqsha (Saryarqa aýdany, Kenesary kóshesi, 9/1) bar. Balalar bul mekemege bara bastady.

Balabaqshada tárbıeshilermen qatar medıtsına qyzmetkerleri de bar. Bul balanyń fızıkalyq, psıhıkalyq damý erekshelikterin, jeke múmkindikteri men qabiletterin eskere otyryp, búldirshinniń jeke basyn jan-jaqty qalyptastyrý, balalardy mektepte oqytýǵa daıyndyǵyn qamtamasyz etýge múmkindik bermek.

Mekemede fızıoterapııa, logoped-defektolog, oftalmolog jáne t.b. kabınetter bar.

Memleket basshysynyń tapsyrmasy boıynsha qalada erekshe qajettiligi bar balalarǵa arnalǵan ońaltý ortalyqtary jelisin keńeıtýdemiz.

Mysaly, ótken jyly №1 qalalyq balalar aýrýhanasy bazasynda Tuńǵysh Prezıdent qory men «Samuryq-Qazyna» qoldaýymen ashylǵan «Qamqorlyq» ońaltý ortalyǵy ashyldy.

Sondaı-aq, «Asyl Mıras», «Erekshe balalar», «Orda» aýtızm ortalyǵy, ınklıýzııa kabınetteri sııaqty birqatar iri ońaltý ortalyǵy qoldaý taýyp, ashyldy.

Ońaltý ortalyqtaryn jańa turǵyn úı keshenderiniń 1 qabattarynda da ashamyz. Paralımpıadalyq jattyǵý ortalyǵymen birlesip múmkindigi shekteýli adamdarǵa arnalǵan sport keshenin salamyz.

Sonymen qatar, oqý oryndarynyń qurylysyna da nazar aýdaramyz. Mysaly, Almaty aýdanynda 2400 oryndyq mektep salynyp, ashylýǵa daıyn (eki aýysymda; Maıqaıyń – A 351 kóshesiniń qıylysy). Oqý ornynda ınklıýzııa,«Abaıtaný», «STEM», «Intellektým» kabınetteri jáne beınesabaqtardy túsirýge arnalǵan stýdııa bar. Bul balalardyń jan-jaqty damýyna múmkindik beredi.

Bıyl barlyǵy 15 mektep salamyz — bul 40 myńnan astam jańa oqýshy orny. Salystyrmaly túrde alsaq, 2020 jyldan 2 ese, al 2019 jyldan 4 ese kóp.

Elordada aldaǵy 5 jylǵa 67 mekteptiń qurylysy josparlanyp otyr. Oqý oryndarynyń qurylysyna da jeke ınvestıtsııalar jumyldyrylady», — dep jazdy elorda ákimi.




Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT