Nur-Sultanda kómir baǵasy qansha

NUR-SULTAN. QazAqparat – Elorda ákimdiginiń aqparatyna sáıkes, búginde qalada kómir qory jetkilikti, dep habarlaıdy QazAqparat.

«Elordada kómir qory jetkilikti. Kómir qory 14 430 tonnany quraıdy. Eń arzany bir tonnasy úshin – 8500 teńge», - dedi shahar ákimdiginen.

Kómirdi kelesi mekenjaılardan satyp alýǵa bolady: Gertsen 4/1, Gertsen 6B, Gertsen 6/2, Kóktal, 28/1, Kóktal, 28/2, Jubanov 35, Dýlatov 182/1, Lıteınaıa 44, Dýlatov 182/1, Beton ortalyǵy, Maqat 40A, Lıteınaıa 44 jáne 40-shy stansa.

Al baǵasy tómendegideı: Qarajyra (sort) – 12700 tg; Qarajyra (tutynýshylyq) – 12000 tg; Qarajyra (3 sort) – 11000 tg; Bogatyr – 8500 tg; Maıkóbe (tutynýshylyq) – 11500 tg; Maıkóbe (sort) – 12500 tg; Jalyn – 13500 tg; Bogatyr (usaq) – 9500 tg; Kýznetskıı – 12000 tg; Shubarkól – 12000 tg.