+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Nur-Sultanda karantındi buzǵan bıznes ıeleri 638 myń teńgeden aıyppul tóleıdi

2020 jylǵy 11 shilde 01:53
Bólisińiz:
Nur-Sultanda karantındi buzǵan bıznes ıeleri 638 myń teńgeden aıyppul tóleıdi

NUR-SULTAN. QazAqparat – Nur-Sultan qalasynyń polıtsııa qyzmetkerleri, SES jáne ákimdik ókilderi karantındegi dámhanalar men meıramhanalar jumysyna reıd júrgizdi, dep habarlaıdy QazAqparat tilshisi.

Uqsas jańalyqtar
Nur-Sultanda jolaýshylarǵa avtobýsqa maskasyz kirýge tyıym salyndy Elordada 3 tamyzdan keıin qandaı nysandardyń jumysyna tyıym salynady Nur-Sultanda qatań karantın sharalary taǵy 2 aptaǵa sozyldy

Reıd barysynda polıtsııa qyzmetkerleri Saryarqa aýdanyndaǵy meıramhanalardy tekserip, karantın rejımin saqtaý týraly usynymdar berdi. Odan bólek, qala turǵyndarymen de jeke qorǵanys quraldaryn taǵý týraly profılaktıkalyq jumys júrgizildi.

«Elordanyń bas sanıtarynyń qaýlysynda mekemelerdiń 19 shildege deıingi jumys kestesi naqty kórsetilgen. Dálirek aıtqanda, jazǵy meıramhanalar 20:00-ge deıin, al jetkizý qyzmetteri – 21:00-ge deıin ǵana jumys isteýi tıis. Turǵyn úılerde ornalasqan azyq-túlik dúkenderi 20:00-ge deıin ashyq turady. Keshe sanıtarlyq dárigerdiń sheshimimen sýpermarketter ýaqyty 21:00-ge deıin uzartyldy. Karantın rejımin buzǵan jeke tulǵalar men bıznes ókilderine QR Ákimshilik quqyq buzýshylyqtar kodeksiniń 425-babyna sáıkes, 30-230 AEK aralyǵynda (83 340 teńgeden 638 940 teńgege deıin) aıyppul salynady», - deıdi Saryarqa aýdany Jergilikti polıtsııa qyzmetiniń basshysy Marat Ómirbaev.

Qalalyq polıtsııa departamentiniń habarlaýynsha, 5 shildeden bastap, karantın rejımin buzǵan 60-tan astam mekeme anyqtaldy.

«Keıbir mekemelerdiń jumysyn jalǵastyryp jatqandyǵy týraly qala turǵyndarynan 102 nómirine kóptegen qońyraýlar túsýde. Bul rette turǵyndardyń azamattyq pozıtsııasyna alǵys aıtamyz. Onyń ishinde kóńil kóterý mekemeleri, monshalar, dúkender, meıramhanalar bar. Máselen, Nur-Sultan qalalyq polıtsııa departamentine bir azamat habarlasyp, túngi ýaqytta Beıbitshilik kóshesindegi dámhanalardyń birinde bir adamnyń jaralanǵanyn jetkizdi. Tekserý barysynda dámhananyń túngi ýaqytta jasyryn jumys istegeni anyqtaldy. Almaty aýdanynda da jasyryn qyzmet kórsetken dámhanalar men monsha tabyldy. Tekserý barysynda jeke tulǵanyń monshany 2 saǵatqa jaldaǵany, ákimshiniń bul áreketine ruqsat berilgeni anyqtaldy. Bir dámhanada toılanyp jatqan týǵan kún toqtatyldy. Osy materıaldardyń barlyǵy jınaqtalyp, tıisti organdarǵa jiberildi», - dedi Nur-Sultan qalasy Polıtsııa departamenti baspasóz qyzmetiniń jetekshisi Elmıra Shaýlenova.

Buǵan qosa, sońǵy bes kúnde medıtsınalyq dári-dármek pen quraldardy zańsyz kóterme baǵamen satyp júrgen 27 adam ustalǵan. Zańsyz aınalymnan tárkilenip alǵan medıtsınalyq quraldardyń jalpy somasy 13 mln teńgeden asady. Qylmysqa qatysy bar azamattar QR zańnamasyna sáıkes jaýapqa tartylady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT