+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Nur-Sultanda iri kitap festıvali ótip jatyr

2019 jylǵy 25 tamyz 14:10
Bólisińiz:
Nur-Sultanda iri kitap festıvali ótip jatyr

NUR-SULTAN. QazAqparat – Elordalyq Arbatta «KITAP FEST 2019» iri kitap festıvalinde kitapsúıer qaýym, avtorlar men baspagerler jınaldy, dep habarlaıdy QazAqparat tilshisi.

Uqsas jańalyqtar
Cemeılik oqýshylar obyrdy emdeý salasyn zerttep, avtorlyq quqyq aldy Aqmolada bilim basqarmasy alqasynyń keńeıtilgen otyrysy ótti Almatyda Nazarbaev Zııatkerlik mektebi Qamqorshylyq keńesiniń otyrysy ótti

Ádebı mereke baǵdarlamasynda kórmeler, jármeńkeler, tanymdyq áńgimeler men basqa da aktsııalar bar. Ol keshki saǵat jetige deıin jalǵasady.

Kitap jármeńkesine 20 dúken, baspa jáne ınternet-dúkender bar. Olar satyp alýshylarǵa festıval aıasynda arnaıy jeńildikter usynyp otyr. Sondaı-aq, festıval aýmaǵynda «I BOOK YOU» kitap almasý jobasy júzege asyrylýda: qonaqtar ózderiniń oqyǵan kitaptaryn oqymaǵan kitaptarǵa aýystyryp ala alady. Kishkentaı oqyrmandarǵa oıyn-saýyq baǵdarlamalary, sheberlik synyptar uıymdastyrylýda.


«Ortalyqtandyrylǵan kitaphana júıesinen tegin kitaptar usynylady. Olardyń sany shekteýli, sondyqtan alyp úlgerý kerek. Óz kitaptaryńyzdy ákelip, oqymaǵan kitaptarǵa almastyrýǵa bolady», - dep habarlady «KITAP FEST 2019» jobasynyń bas úılestirýshisi Maıra Áljanova.


«Jazýshylar shatyrynda» oqyrmandar qazirgi jáne jańa avtorlarmen tanysyp, jańa kitaptardyń prezentatsııasyna qatysa alady. Onda tanymal pıanınoshy, Qazaqstannyń halyq ártisi Jánııa Áýbákirova «Varıatsıı na temy» kitaby týraly aıtady. Jýrnalıst, fılosofııa ǵylymdarynyń kandıdaty, zertteýshi Zıra Naýryzbaeva «Tórt bult» atty eńbegin usynady. Prodıýser, rejısser, «100 jańa esim» jobasynyń laýreaty Aıdıe Aıdarbekova «Meniń teńizim – seniń aspanyń» atty óleńder jınaǵynyń tusaýyn kesedi. Aqyn Aıjan Tábárákqyzy «Sen jylamashy» kitaby týraly aıtsa, jazýshy, stsenarıst Záýre Tórehanova «Amına Turan nomadtar elinde» romanyn usynady. Qazaqstandyq zertteýshi, jazýshy jáne saıahatshy Tınkaı Kretova oqyrmandaryn «Qazaqstandyq» atty jańa kitabymen tanystyrmaq. «Jazýshylar shatyrynyń» arnaıy qonaǵy – aktrısa Almıra Tursyndy barlyǵy kútip otyr. Ol Aqan Sataevtyń «Tomırıs» fılminde oınaǵan. Ol jazýshy Bolat Jandarbekovtiń «Tomırıs» shyǵarmasynan úzindi oqıdy.

«Offline kitaptar týraly» atty shatyrda qoǵam qaıratkerleri, jýrnalıster, kásipkerler ártúrli taqyryptar qozǵaıdy. Shaqyrylǵan qonaqtar arasynda – blogerler Órken Kenjebek, Aına Dosmuhambetqyzy, Dınara Bolat, polıtolog, Ortalyq kommýnıkatsııalar qyzmetiniń basshysy Talǵat Qalıev, balalar ertegileriniń avtory Gúljazıra Berikqyzy men taǵy basqalar bar. Osy eki kezdesýdiń spıkerleri uly aqyn ári oıshyl Abaı Qunanbaevtyń óleńderin oqý estafetasyna qatysady.


«KITAP FEST» Almatyda bes jyl qatarynan ótti.

Uıymdastyrýshylardyń aıtýynsha, osy ýaqyt ishinde ol qarapaıym kitap almasý sharasynan jurtshylyqtyń súıispenshiligine bólengen mádenı-tanymdyq sharaǵa aınalǵan. Bıyl ol Nur-Sultan qalasynda alǵash ret uıymdastyrylyp otyr.

Jyl saıyn kitap festıvali myńdaǵan kitapsúıer qaýymdy, jazýshylardy, blogerlerdi, qoǵam qaıratkerleriniń basyn qosyp keledi. Bes jyldyń ishinde osy alańda avtorlar men baspalardyń qatysýymen 130 kitaptyń tusaýy kesildi, 20 myń kitap qonaqtarǵa syılandy, 70 kitap dúkeni jármeńkege qatysty, 45 bloger súıikti kitaptarymen bólisti.


«Osy sharanyń maqsaty – kitap oqýǵa shaqyryp, qazaqstandyq avtorlar men baspalarǵa qoldaý kórsetý. Bul jas jáne burynnan kele jatqan avtorlarlardyń óz kitaptaryn usynatyn jalǵyz alań deýge bolady. Munda olar kitaptary týraly oqyrmandaryna aıtyp, qyzyǵýshylyq tanytqan baspalar men kitap dúkenderin taba alady», - dep atap ótti Maıra Áljanova.

Nur-Sultandaǵy is-shara Jastar jyly aıasynda ótip jatyr jáne ony qalalyq ákimdiktiń qoldaýymen «Astana jastary» memlekettik mekemesi, «BAURZHAN» jeke qory, «ABAYbooks» baspa úıi uıymdastyryp otyr.


Avtory: Damır Baımanov

Bizdiń kanalymyzǵa jazylyńyz:

Basty sózder: Nur-Sultan, Bilim,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT