+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Nur-Sultanda dári-dármek baǵasyna monıtorıng júrgizý jumystary jalǵasýda

2020 jylǵy 29 shilde 20:44
Bólisińiz:
Nur-Sultanda dári-dármek baǵasyna monıtorıng júrgizý jumystary jalǵasýda

NUR-SULTAN. QazAqparat - «Astana – adaldyq alańy» jobasy aıasynda qalalyq máslıhat depýtattary Mıras Shekenov pen Aqylbek Kúrishbaev jáne taýarlar men kórsetilgen qyzmetterdiń sapasy men qaýipsizdigin baqylaý departamentiniń ókilderi qalalyq birneshe dárihanalarda dári-dármek baǵasyna kezekti monıtorıng júrgizdi, dep habarlaıdy elorda ákimdiginiń resmı saıty.

Uqsas jańalyqtar
Atyraýdyń ınfektsııalyq aýrýhanasynda koronavırýs juqtyrǵan 28 naýqas jatyr Koronavırýs arterıaldy gıpertonııasy bar adamdarǵa qanshalyqty qaýipti Eki oblysta koronavırýs tabylǵan mektepter men balabaqshalar karantınge jabyldy

Saıt taratqan málimetterge qaraǵanda, búginde qalanyń 80-nen astam dárihanasyna monıtorıng júrgizildi. Olardyń keıbiri dárilik preparattarǵa sáıkes sertıfıkattaryn usynbady.

«Qabanbaı batyr dańǵyly, 40 mekenjaıy boıynsha ornalasqan «Órken» dárihanasynan Qazaqstan aýmaǵynda tirkelmegen 500 mg № 3 «Azıtromıtsın OZON» preparatyn satý deregi anyqtaldy. Bul zańbuzýshylyq tıisti sharalar qabyldaý úshin taýarlar men kórsetilgen qyzmetterdiń sapasy men qaýipsizdigin baqylaý departamentine jiberildi», – dedi depýtat Mıras Shekenov.

Depýtat Aqylbek Kúrishbaevtyń aıtýynsha, dárihanalardaǵy baǵa Densaýlyq saqtaý mınıstrligi belgilegen baǵadan aspaıdy. Alaıda onyń pikirinshe, aınalymǵa engiziletin barlyq dárilik zattardyń qaýipsizdigi men sapasyn qamtamasyz etý qajet.

«Muny Ulttyq dárilik zattardy saraptaý ortalyǵy tekseredi. Ortalyq olarǵa ónimge sáıkes sertıfıkat beredi. Taýarlar men kórsetilgen qyzmetterdiń sapasy men qaýipsizdigin baqylaý departamentinde túsindirgenimizdeı, dárihanalarda júkpen birge dárilik zattyń sapasyn kýálandyratyn qujattyń kóshirmesi qosa berilýi tıis. Ókinishke qaraı, biz teksergen dárihanalarda bul qujattar bolǵan joq. Barlyǵy fırmada, dıstrıbıýterlerde degen syltaý aıtady. Men bulaı ekenine sengim keledi. Dári-dármekterdi qoldan jasaý jáne kontrafaktilik – búkil álemdegi ózekti másele. Dárilerdiń sapasy – eldiń ulttyq qaýipsizdigi, azamattarymyzdyń ómiri men densaýlyǵynyń máselesi. Sondyqtan mundaı quqyq buzýshylarǵa qatań zańdar qabyldap, damyǵan elderdegideı dárilik zattardyń aınalymy boıynsha baqylaý engizý qajet», – dedi A.Kúrishbaev.

Osyǵan deıin habarlanǵandaı, Nur-Sultanda dári-dármektiń baǵasyn negizsiz kóterý derekterin anyqtaý boıynsha monıtorıng kúsheıtildi. Dárilik zattardyń baǵasy kóterilgen jaǵdaıda azamattar IKOMEK 109 biryńǵaı baılanys ortalyǵyna, sondaı-aq +7 775 160 55 32 WhatsApp nómirine júgine alady.

Úkimet pen Nur-Sultan ákimdigi logıstıka, dári-dármekterdi satyp alý jáne jetkizý rásimderin jeńildetý máseleleri boıynsha qoldaý kórsetýde. Sonymen qatar, qalalyq prokýratýra, polıtsııa departamenti, Sybaılas jemqorlyqqa qarsy kúres qyzmeti, Memlekettik kirister, Ekonomıkalyq tergeý, farmatsevtıkalyq baqylaý qyzmetkerlerinen turatyn mobıldi top kún saıyn dárilik zattardy alypsatarlarmen kúres jumystaryn júrgizýde.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT