+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Nur-Sultanda áýejaıdan 1,5 mln teńgeniń júgin urlaǵan eki adam  sottaldy

2020 jylǵy 24 qańtar 17:15
Bólisińiz:
Nur-Sultanda áýejaıdan 1,5 mln teńgeniń júgin urlaǵan eki adam  sottaldy

NUR-SULTAN. QazAqparat – Nur-Sultan qalasy Esil aýdandyq sotynyń úkimimen eki er adam qylmystyq quqyq buzýshylyq jasaǵandary úshin kináli dep tanylyp, árqaısyna úsh jyl 6 aı merzimge bas bostandyǵyn shekteý túrindegi jaza taǵaıyndaldy. Bul týraly QazAqparat Kóliktegi polıtsııa departamentiniń baspasóz qyzmetine silteme jasap habarlaıdy.

Uqsas jańalyqtar
Tártip saqshylaryna til tıgizgenderge qandaı shara qoldanylatyny aıtyldy Atyraýda 8 myńǵa jýyq ákimshilik quqyq buzýshylyq anyqtaldy Atyraýda balaǵa zorlyq jasamaq bolǵan kúdiktini ustaýǵa kómekteskender marapattaldy

Oqıǵa ótken jylǵy 24 jeltoqsanda bolǵan edi. Nur-Sultan qalasy Halyqaralyq áýejaıyndaǵy Jelilik polıtsııa bólimine 58-jastaǵy azamat aryzdanyp keldi. Onyń aıtýynsha, «Atyraý-Nur-Sultan» baǵytyndaǵy áýe reısimen ushyp kelgende quny 1 431 500 teńgeni quraıtyn júgin belgisiz bireýler urlap ketken.

Atalǵan fakti QR QK-niń 188-baby, ıaǵnı, iri mólsherde jasalǵan urlyq boıynsha sotqa deıingi tergeýdiń biryńǵaı tiziliminde tirkelgen.

Elordalyq áýejaıdyń JPb krımınaldyq polıtsııa qyzmetkerleri jedel-izdestirý is-sharalaryn júrgizý kezinde osy reıspen ushyp kelgen eki azamatty «izin sýytpaı» anyqtap, ustady. Olar 1993 jáne 1995 jyly týǵan Qaraǵandy oblysynyń turǵyndary bolyp shyqty.

Polıtsııa qyzmetkerleri ustalǵandardyń osy qylmysqa qatystary bar ekendikterin bultartpas aıǵaqtarmen dálelededi. Olar óz kinálaryn moıyndady.

Qaskóılerdiń aıtýynsha, olar sol kúni Atyraý qalasynan jumys saparymen kelgen. Joljúkterin alý kezinde júk lentasynda uzaq ýaqyt ıesiz turǵan chemodandy baıqaǵan. Sóıtip, ekeýi aldyn ala kelisip, bóten júkti urlap, áýejaı ǵımaratynan ketip qalǵan.

Kólik polıtseıleriniń kásibı sheberlikteri men bilikti áreketteriniń arqasynda urlanǵan zattar tolyqtaı ıesine qaıtaryldy.

Aǵymdaǵy jylǵy 21 qańtarda Nur-Sultan qalasy Esil aýdandyq sotynyń úkimimen olar qylmystyq quqyq buzýshylyq jasaǵandary úshin kináli dep tanylyp, árqaısyna úsh jyl 6 aı merzimge bas bostandyǵyn shekteý túrindegi jaza taǵaıyndaldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT