+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Nur-Sultanda ana men bala ólimi azaıdy

2020 jylǵy 30 shilde 22:10
Bólisińiz:
Nur-Sultanda ana men bala ólimi azaıdy

NUR-SULTAN. QazAqparat - Búgin birinshi jartyjyldyqtyń qorytyndysy boıynsha Nur-Sultan qalalyq qoǵamdyq densaýlyq saqtaý basqarmasy alqasynyń onlaın-otyrysy ótti, dep habarlaıdy elorda ákimdiginiń resmı saıty.

Uqsas jańalyqtar
Elordada bank menedjeri klıentterdiń shotynan qomaqty qarjy alǵan – polıtsııa 1,6 myńnan astam medıtsına qyzmetkeri MÁSQ-tan tólem aldy Qazaqstanda ótken táýlikte 155 adam koronavırýstan jazyldy

Otyrysqa Nur-Sultan qalasy ákiminiń orynbasary Baqtııar Maken, Qazaqstan Respýblıkasy Densaýlyq saqtaý vıtse-mınıstri Ajar Ǵınaıat, qaladaǵy medıtsınalyq uıym basshylary qatysty.

Jıynnan málim bolǵanyndaı, 2020 jylǵy qańtar-maýsymda elordada ana ólimi 7,2%, náreste ólimi 1,3% tómendedi. Sonymen qatar neonataldy ólimniń (-1,5%) jáne bes jasqa deıingi balalar óliminiń (3%) tómendeýi baıqalady.

«Nur-Sultanda sábı ólimi azaıdy. Biraq bul bosańsýǵa sebep emes. Jumysty jaqsartý qajet», – dedi jıynda Nur-Sultan qalasy ákiminiń orynbasary Baqtııar Maken.

Nur-Sultan qalalyq qoǵamdyq densaýlyq saqtaý basqarmasy basshysynyń mindetin atqarýshy Á.Rústemovanyń aıtýynsha, 2019 jylmen salystyrǵanda elordadaǵy jalpy syrqattanýshylyq 9,4%-ǵa tómendedi. Aýrýshańdyqtyń qurylymynda tynys alý júıesiniń aýrýlary aldyńǵy orynda – 40%-dy quraıdy. Belgili bolǵandaı, 2020 jyldyń 1 qańtarynan bastap qalanyń medıtsına uıymdary mindetti áleýmettik medıtsınalyq saqtandyrý (MÁMS) júıesinde jumys isteı bastady. MÁMS pen kepildendirilgen tegin medıtsınalyq kómek (KTMK) boıynsha medıtsınalyq kómek kórsetýge kelisimsharttar jasaǵan Nur-Sultan qalasyndaǵy barlyq 95 medıtsına uıymynda QR Densaýlyq saqtaý mınıstrligi men «Saqtandyrý» aqparattyq júıelerimen tolyqtaı ıntegratsııalanǵan medıtsınalyq aqparattyq júıeler engizildi.

Medıtsınalyq kómekke tikeleı qoljetimdilikti qamtamasyz etý úshin «Úıdegi dáriger» jobasy belsendi túrde júzege asyrylýda. Bıyl 6 nysan ashyldy, jyl sońyna deıin taǵy 4 nysandy ashý josparlanýda.

«KVI boıynsha ahýaldy turaqtandyrý úshin atqarylǵan orasan zor jumys óz nátıjesin berdi. Sonymen, búginde qala turǵyndarynyń ótinimderiniń sany 2,3 ese – kúnine 3 410-nan 1 493-ke deıin; qońyraýlar sany eki ese – kúnine 2 368-den 1155-ke deıin azaıdy. Onyń ishinde koronavırýs boıynsha 5 ese – kúnine 350-den 71-ge deıin tómendedi. Aýrýhanalarǵa túsken naýqastar sany 4 ese – kúnine 400-den 100-ge deıin azaıdy. Tıisinshe, tósek-oryn qorynyń júktemesi 90%-dan 39%-ǵa deıin tómendedi», – dedi Á. Rústemova.

«Memleket basshysy statsıonarlarda josparly túrde emdeýge basa nazar aýdardy. Bul tek koronavırýs ınfektsııasy bar naýqastarǵa ǵana qatysty emes, biz sapaly medıtsınalyq kómekke muqtaj azamattardyń barlyǵyna qamqorlyq jasaýymyz kerek. Sondaı-aq qala turǵyndarynyń kelip túsken shaǵymdaryn da udaıy eskerý qajet. Jumys qaıta jolǵa qoıylǵan kezde olardyń sany artady», – dedi B.Maken.

Kezdesý qorytyndysy boıynsha elordanyń densaýlyq saqtaý júıesiniń basym baǵyttary anyqtaldy. Bul densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyn júzege asyrý, medıtsına uıymdaryn kadrlarmen qamtamasyz etý, epıdemıologtardyń rólin kúsheıtý, pandemııa kezindegi jumys tájirıbesin eskere otyryp, bastapqy medıtsınalyq-sanıtarlyq kómek jumysyn uıymdastyrý, sondaı-aq kúz-qys kezeńindegi koronavırýs ınfektsııasynyń kelesi tolqynyna daıyndyq júrgizý.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT