+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Nur-Sultanda 91 jastaǵy qart koronavırýstan jazylyp ketti

2021 jylǵy 25 maýsym 00:15
Bólisińiz:
Nur-Sultanda 91 jastaǵy qart koronavırýstan jazylyp ketti

NUR-SULTAN. QazAqparat - Elordanyń 91 jastaǵy turǵyny Irına Hlebnıkova maýsym aıynyń basynda «koronavırýs» dıagnozymen №3 kópbeıindi qalalyq aýrýhanaǵa shuǵyl jatqyzylǵan bolatyn.

Uqsas jańalyqtar
Vaktsına almaǵan qyzmetkerler jumystan qýylmaıdy – Asqar Saqypkereev Koronavırýs: Qazaqstan qonaqúılerinde 17 myń rezervtik tósek-oryn daıyn tur SQO-da toı-tomalaq tyıylmaǵan jaǵdaıda demalys kúnderine lokdaýn engizilmek

Uzaq emdelip, qalpyna kelgen soń ájeı aıaǵynan turyp, úıine qaıtty, dep habarlaıdy qala ákimdiginiń resmı saıty.

Irına Hlebnıkovanyń týystary 8 maýsym kúni moıyn aýrýyna baılanysty ýchaskelik dárigerdi shaqyrǵan edi. Aldymen olar ájeıdiń osteohondrozy bar dep oılaǵan. Biraq kóp uzamaı bezgegi ustap, jótel qysyp, artynsha býyndary aýyrǵan.

Jedel járdem brıgadasy koronavırýsqa taldaý jasap, ol oń nátıje kórsetken. Osydan keıin Irına Hlebnıkova shuǵyl túrde №3 kópbeıindi qalalyq aýrýhanaǵa jatqyzyldy.

«Aýrýhanada alynǵan analız nátıjesi óte nashar boldy. Men ózim reanımatolog retinde ájemniń aǵzasynda qandaı ózgerister bolyp jatqanyn túsindim. Ájem aýrýhanada uzaq ýaqyt boıy ottegi arqyly emdeldi. Egde jasyna baılanysty sozylmaly aýrýlary da boldy», - deıdi naýqastyń nemeresi Inessa Hlebnıkova.

Jalpy hırýrgııa bóliminiń dárigeri Vıtalıı Kalınniń aıtýynsha, statsıonar dárigerleri egde jastaǵy naýqasty emdeý úshin qoldan kelgenniń bárin istegen.

«Emdeý jolyn belgileý úshin túrli sala mamandary jumyldyryldy. Birlesken kúsh-jigerimizdiń arqasynda maqsatymyzǵa jettik. Ájeı tiri, deni saý, qazir úıinde», — dep atap ótti dáriger.

Óz kezeginde áje brıgadanyń feldsherlerinen bastap aýrýhana ákimshiligine deıin atsalysqandardyń bárine alǵysyn bildirdi.

Aıta ketý kerek, statsıonar dárigerleri qala turǵyndaryn jappaı vaktsınatsııaǵa qatysýǵa shaqyrady. Bul KVI-den qorǵanýdyń jalǵyz jáne tıimdi ádisi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT