+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Nur-Sultanda 8 jylǵa sozylǵan turǵyn úı kesheniniń qurylysy aıaqtaldy

2020 jylǵy 5 shilde 13:24
Bólisińiz:
Nur-Sultanda 8 jylǵa sozylǵan turǵyn úı kesheniniń qurylysy aıaqtaldy

NUR-SULTAN. QazAqparat - Elorda kúni qarsańynda qurylysy uzaqqa sozylǵan nysan paıdalanýǵa berildi. Segiz jyl boıy salynǵan «Stolıchnyı-2» turǵyn úı kesheniniń qurylysy aıaqtalyp, 200-den astam úleskerdiń máselesi sheshildi, dep habarlaıdy QazAqparat qala ákimdiginiń resmı saıtyna silteme jasap.

Uqsas jańalyqtar
Oralda eki kópqabatty turǵyn úıden órt shyǵyp, 20-ǵa jýyq adam evakýatsııalandy Almatyda qansha adamnyń baspana kezeginde turǵandyǵy belgili boldy Nur-Sultanda muǵalimder men dárigerlerge áleýmettik turǵyn úı salynýda

Elorda ákimi Altaı Kólginovtyń aıtýynsha, bıyl kóppáterli 20 turǵyn úı kesheni paıdalanýǵa beriledi, demek 8 myń úlesker kópten kútken páterlerin alady. «Stolıchnyı-2» turǵyn úı úleskerleri 8 jyldan astam ýaqyt óz páterin kútti. Árbir uzaq salynyp jatqan qurylyspen biz jeke jumys jasap jatyrmyz. Nysandardy aralap kóremiz, qurylys qalaı júrip jatqanyn tekserip, qandaı sheshim qabyldaý qajet ekenin eskerip otyramyz. Sizdermen de kezdesip, usynystaryńyzdy tyńdadyq. Ótken jyly sizderde senimsizdik bolǵany esimde. Al qazir sizder erekshe qýanyp tursyzdar. Endi óz páterińizge kire alasyzdar. Úleskerlerdiń máselesi Memleket basshysynyń baqylaýynda. Pandemııaǵa qaramastan, qurylysshylar qatań sanıtarııa normalaryn saqtaı otyryp, qurylys jumystaryn jalǵastyrýda. Bıyl taǵy 8 myń úleskerdiń máselesin sheshemiz, kóppáterli 20 turǵyn úı keshenin salyp, paıdalanýǵa beremiz. Taǵy bir másele – «Terrıtorııa komforta-1» turǵyn úı kesheni. Ol 2004 jyldan beri tur. Tehnıkalyq tekseris ǵımarat apatty jaǵdaıda ekenin anyqtady. Turǵyndardyń qaýipsizdigi úshin ǵımaratty buzý týraly sheshim qabyldandy. Ornyna jańa turǵyn úı kesheniniń qurylysy júrgizilýde. 500-den astam adam úlesker atandy. Sonymen qatar, uzaq ýaqyt salynyp jatqan «Shyǵys», «Jaǵalaý» turǵyn úıleri de bar. Ár nysan boıynsha naqty jospar bar», – dedi qala ákimi.


«Stolıchnyı-2» turǵyn úı kesheniniń úleskeri Janar Dúısenova ýaqyt óte, tipti, úıden úmitin úzgenin aıtady. «Kóp jyl boıy óz páterimizdi kútip, tipti úmitimiz úzildi. 8 jyl boıy bul máselemen barmaǵan jerimiz qalmady. Mine, 2020 jyl – biz úshin erekshe jyl boldy. Biz óz páterimizdi aldyq. Qatty qýanyp júrmiz. Barshańyzdy kele jatqan Elorda kúnimen quttyqtaımyn! Ómirde qýanyshty sátter kóp bolsyn», – deıdi úlesker.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT