+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Nur-Sultanda 100-den astam ruqsat etilmegen qoqys úıindisi joıyldy

2021 jylǵy 28 shilde 07:30
Bólisińiz:
Nur-Sultanda 100-den astam ruqsat etilmegen qoqys úıindisi joıyldy

NUR-SULTAN. QazAqparat - Nur-Sultan ákimdigi qalanyń ekologııasyn jaqsartý boıynsha júıeli jumys júrgizýde. Sonyń ishinde qala aýmaǵynda ruqsat etilmegen qoqys úıindilerin joıý jáne boldyrmaý boıynsha jumystar qolǵa alynǵan, dep habarlaıdy qalalyq ákimdiktiń baspasóz qyzmeti.

Jyl basynan beri ekologııalyq polıtsııamen birlesip 100-den astam ruqsat etilmegen qoqys orny joıyldy. Polıgonǵa 70 myń tonnadan astam qaldyq shyǵaryldy.

Qoqysty belgilenbegen oryndarǵa jınap qoıǵany jáne zańsyz túsirgeni úshin 1000 quqyq buzýshy (qurylys uıymdary, kásipkerler jáne t.b.) ákimshilik jaýapkershilikke tartyldy. Quqyq buzýshylar iKomek qyzmetiniń arqasynda jaýapqa tartylady. Birneshe ret qaıtalanǵan jaǵdaıda qurylys jumysy toqtatylady.

Júıeli sharalar boıynsha da aýqymdy jumystar júrgizilýde: bıyl «Soltústik jotasy» karerin odan ári rekýltıvatsııalaı otyryp, qurylys qaldyqtaryn jınaýǵa jáne óńdeýge arnalǵan alań jumysy iske qosylady. Alańda kirpish, asfalt, beton qaldyqtary jáne t.b. sııaqty qurylys qaldyqtaryn qaıta óńdeıtin usatý keshenin ornatý qarastyrylǵan. Sonymen qatar, mysaly, qurylys qaldyqtarynyń 50%-yn qıyrshyq tasqa, 10-15%-yn armatýraǵa jáne t.b. óńdeýge bolady.

Sondaı-aq, qoqys óńdeý zaýytyn jańǵyrtý jumystary jalǵasýda. Bul kásiporyn qýatyn eki esege – jylyna 250 myń tonnadan 450 myń tonnaǵa deıin arttyrýǵa múmkindik beredi.

Budan basqa, qatty turmystyq qaldyqtardy jeke jınaý úshin qala boıynsha arnaıy konteınerler, sondaı-aq quramynda synaby bar shamdardy jınaýǵa arnalǵan arnaıy konteınerler ornatyldy. TQQ óńdeý deńgeıi 75%, qaıtalama shıkizatty alý – 17% kórsetkishine jetti.

Ekologııany jaqsartýda qalany gazdandyrý, jappaı kógaldandyrý, jelige elektr avtobýstaryn qosý jáne t.b. mańyzdy ról atqarady.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT