+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Nur-Sultanda 10 jyldan beri bos jatqan jerge gúlzar salynýda

2020 jylǵy 6 maýsym 20:20
Bólisińiz:
Nur-Sultanda 10 jyldan beri bos jatqan jerge gúlzar salynýda

NUR-SULTAN. QazAqparat - Apattyq jaǵdaıdaǵy kúrelgen úıdiń 10 jyl boıy bos jatqan ornyna jańa gúlzar salynyp, aýla alańy abattandyrylýda, dep habarlaıdy qalalyq ákimdiktiń baspasóz qyzmeti.

Uqsas jańalyqtar
Tabıǵatqa zııan keltirgen 500-den astam adam jazalandy - Almaty oblysy Dúısenbi kúni Atyraý men Oralda aýa sapasy nasharlaıdy Elimizdiń bas ekology sý máselesin talqylaý úshin Ózbekstanǵa keldi

Nur-Sultannyń barlyq aýdandarynda aýlalar men aýlaishilik aýmaqtarda abattandyrý júrip jatyr. Bıyl 150-ge jýyq aýla men 50 qoǵamdyq keńistik (saıabaqtar men gúlzarlar) abattandyrylady.

Elorda ákimi Altaı Kólginov búgin birqatar aýla men gúlzardaǵy jumys barysyn aralap kórdi. Kúrelgen apattyq jaǵdaıdaǵy úıdiń ornynda (Esenberlın kóshesi, 36 úı) qazir jaqyn mańaıdaǵy úılerdiń turǵyndaryna arnap jańa aýla salynýda.

Alań birneshe aımaqqa bólingen: balalarǵa arnalǵan oıyn alańy, mını-fýtbol pen basketbol úshin sport alańy, jattyǵý quraldary bar sport alańy, sondaı-aq múmkindigi shekteýli azamattar úshin jáne serýendeıtin jer. Buǵan qosa jobada kólik turaǵy eskerilgen.

Buǵan deıin aralaý kezinde Jeńis dańǵylynyń turǵyndary (Jangeldın kóshesiniń qıylysy) balalar alańy joǵyn aıtyp, aýmaqty abattandyrý týraly másele kótergen bolatyn, qazir onda aýla men kólik turaǵy salynýda. 10 jyldan beri bos jatqan jerde (Saryarqa dańǵyly, 23) jaqyn arada jańa gúlzar paıda bolady.

Elorda ákimi Altaı Kólginov jumysty sapaly isteý keregin atap ótti.

«Aýlaishilik aýmaqtar, balalar alańy men gúlzarlardy biz osy aýdanda turatyn turǵyndar úshin, úlkenderdiń demalatyn, al balalardyń oınaıtyn jeri bolýy úshin istep jatyrmyz. Aýlalardy halyqtyń pikirin eskere otyryp abbattandyrý kerek. Ol úshin bıyl qalanyń barlyq aýdanynda «Bıýdjetke qatysý» baǵdarlamasy iske qosyldy. Turǵyndar qaı aýlany abattandyryp, balalar alańyna ne ornatý kerek ekenin ózderi sheshedi. Alaıda turǵyndar óz aýlalaryn kútip ustaý qajetin túsinýi tıis. Kógaldandyrý máselesine erekshe kóńil bólemiz. Bıyl 30 myń aǵash otyrǵyzamyz», – dedi elorda ákimi Altaı Kólginov.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT