+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Nur-Sultan polıtsııasy ınternet-alaıaqtardyń jańa ádisin áshkereledi

2020 jylǵy 1 qazan 13:38
Bólisińiz:
Nur-Sultan polıtsııasy ınternet-alaıaqtardyń jańa ádisin áshkereledi

NUR-SULTAN. QazAqparat – Nur-Sultan polıtsııasy ınternette jańa alaıaqtyq árekettiń paıda bolǵany týraly málim etti.

Uqsas jańalyqtar
Qaraǵandyda polıtsııa kıimin kıip, toı qonaqtaryn qorqytqan asaba jazalanady Aýyr qylmys jasap, izdeýde júrgen Reseı azamaty Qazaqstannan ustaldy Almatyda 12 páter urlyǵyna qatysy bar degen kúdikpen aǵaıyndy eki jigit ustaldy

Elordalyq Polıtsııa departamenti baspasóz qyzmetiniń málimetterine qaraǵanda, alaıaqtyq áreket mynandaı jolmen júzege asyrylady. Ońaı oljaǵa kenelgisi keletinder jymysqy áreketin júzege asyrý úshin ınternette taýar saýdalaýshylardyń birimen messendjer arqyly habarlasyp, ózin taýar satyp alǵysy keletin adam retinde tanystyrady. Budan soń olar taýardy satyp alatynyn aıtyp, aqshasyn tóleý úshin silteme jiberedi. Al satýshy taýarynyń aqshasyn alý úshin sol siltemeni basýy kerek.

Bir qaraǵanda eshqandaı kúdik týdyrmaıtyn silteme ony shertken kezde taýar saýdalaýshyny fıshıngtik saıtqa ótkizedi. Bul saıtta anketa toltyryp, onda bank kartasynyń nómiri, CVV-kody, JSN terip, aqshanyń aýdarylýyn kútý usynylady.

Alaıda, rekvızıtterdi toltyryp bolǵan soń, alaıaqtar satýshynyń bank kartochkasyndaǵy bar aqshany bir sátte sheship alady. Artynan saıt jabylyp, eshqandaı iz qalmaıdy.

Atalǵan fakti negizinde QR Qylmystyq kodeksiniń 190-baby boıynsha qylmystyq is qozǵaldy. Sońǵy aıdyń ishinde osyndaı faktiler boıynsha polıtsııaǵa shamamen 15 ótinish kelip túsken.

Elordada osyndaı alaıaqtyq jolmen aqsha urlaǵan 23 jastaǵy er adam ustaldy. Oǵan qatysty bes qylmystyq is qozǵalyp, sot aldyndaǵy tergeý amaldary júrgizilip jatyr.

«Nur-Sultan qalasynyń Polıtsııa departamenti azamattardy qyraǵylyq tanytyp, tek tekserilgen ınternet-resýrstarǵa senim bildirýdi, jańa qyzmet túrlerin tek resmı ınternet-saıttar nemese koll-ortalyqtar arqyly tekserýin suraıdy. Sondaı-aq, beıtanys adamdarǵa bank kartalarynyń rekvızıtteri men CVV-kodyn aıtpaǵan jón. Osyndaı jaǵdaıda shuǵyl túrde bankpen habarlasyp, bank operatsııalary men kartalardy buǵattap, polıtsııaǵa habarlasý kerek» - delingen polıtsııanyń habarlamasynda.


Bizdiń kanalymyzǵa jazylyńyz:

Bólisińiz:

Avtor:

Zarına Týǵanbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT