Nur-Sultan-Pavlodar trassasynda er adam kólik ishinde janyp ketti
2022 jylǵy 29 maýsym 02:01

Nur-Sultan-Pavlodar trassasynda er adam kólik ishinde janyp ketti

PAVLODAR. QazAqparat – Pavlodar oblysynda jol-kólik oqıǵasynan eki adam zardap shegip, bir adam qaza boldy, dep habarlaıdy QazAqparat Pavlodarnews.kz saıtyna silteme jasap.

Jol apaty 28 maýsym kúni «Nur-Sultan-Pavlodar» tasjolynda, Pogranıchnık jáne Spýtnık aýyldarynyń arasynda bolǵan.

Jeńil kóliktiń júrgizýshisi qarsy baǵytta kele jatqan KamAz-ben soqtyǵysqan. Soqqy saldarynan jeńil kólik jana bastaǵan. Eki adam aýrýhanaǵa túsip, bir adam kólik ishinde janyp ketti.

«Atalǵan fakti boıynsha polıtsııa QR Qylmystyq kodeksiniń 345-baby boıynsha sotqa deıingi tergeýdi bastady. Saraptamalar taǵaıyndaldy», - dedi oblystyq Polıtsııa departamentiniń baspasóz qyzmetinen.

Oblystyq densaýlyq saqtaý basqarmasynyń málimetinshe, kólik ishinde janyp ketken jolaýshynyń tulǵasyn anyqtaý múmkin bolmaǵan. Sebebi ol mashınaǵa jolshybaı mingen.

«1987 jyly týǵan er adam omyrtqa súıeginiń synýy dıagnozymen, 1999 jyly týǵan er adam jabyq bas mıynyń jaraqaty, betiniń jyrtylǵan jaraqaty dıagnozymen Pavlodar qalasynyń №1 aýrýhanasyna jetkizildi. Úshinshi adam «inDriver» qosymshasymen kólikke otyrǵan jolaýshy. Ol tolyǵymen janyp ketkendikten, kim ekenin anyqtaý múmkin bolmady», - dedi basqarmadan.

Jol apaty bolǵan jerge jedel járdemniń eki toby shyǵyp, qyzmet kórsetken.


Uqsas jańalyqtar

Jańalyqtar

Úrdis

MURAǴAT